Компенсация пули ундирилди
Суд очерклари
26.03.2024
148
Риштон туманида яшовчи Шафоат Исматуллаева бузилган савдо дўкони эвазига компенсация ундиришда амалий ёрдам сўраб, туман адлия бўлимига мурожаат қилди.
Ўрганиш жараёнида аён бўлдики, Риштон туман ҳокимининг 2019 йил 13 май куни 2852-сонли қарорига асосан 430 та турар-жой бинолари, «Риштон деҳқон бозори» АЖ ҳудудида жойлашган тадбиркорлик субъектлари ҳамда юридик шахсларнинг 203 та нотурар объектлари бузилиши белгиланган.
Гап шундаки, юқоридаги қарорда туман маркази қиёфасини тубдан ўзгартириш назарда тутилган. Айни ҳужжат қабул қилингач, бошқа бино-иншоотлар қатори Ш. Исматуллаеванинг 33,44 квадрат метрдан иборат савдо дўкони ҳам бузиб юборилган. Аммо мулкдор тегишли компенсация пули тўлаб берилмаган.
Шу боис Шафоат опа бузилган савдо дўкони баҳосини аниқлаш мақсадида Адлия вазирлиги ҳузуридаги Х. Сулаймонова номидаги Республика суд экспертизаси маркази Наманган вилоят бўлимига мурожаат қилган. Бўлимнинг 2023 йил 2 августдаги хулосасига асосан савдо дўкони 114 миллион 181 минг 363 сўмга баҳоланган. Бироқ шунда ҳам туман ҳокимлиги мулкдорга компенсация пулини тўлаб бермаган. Шу боис Ш. Исматуллаеванинг манфаатини кўзлаб, фуқаролик ишлари бўйича Риштон туманлараро судига даъво ариза киритилди.
Суд иш учун аҳамиятга эга бўлган ҳолатларни ўрганиб, Риштон туман ҳокимлигидан даъвогар фойдасига 114 миллион 181 минг 363 сўм ундириш юзасидан ҳал қилув қарори қабул қилди.
Икромжон ИСАҚОВ,
Риштон туман адлия бўлими бошлиғи
Улашиш:
Бошқалар
«Жаннат оналар оёғи остида» фильми тармоқларда тарқалди. Интернет-қароқчилик учун қандай жавобгарлик бор?
Фильмни тарқатиш қай даражада қонуний? Агар кишилар бир-бирига шахсий хабарлар орқали жўнатишсачи? Фильмни рухсатсиз тарқатганлик учун қандай жавобгарлик бор ва уни кино ижодкорларнинг аризасисиз ҳам қўллаш мумкинми? Hudud24.uz қуйидаги мақола орқали шу саволларга жавоб беради.
Жўраевлар иши: Ботир Қодиров Шерали Жўраевнинг қўшиқларини куйлаши мумкинми? Интеллектуал мулк ҳуқуқини мерос қолдириш бўйича муҳим жиҳатлар
Хонанда Ботир Қодиров оталикни белгилаш юзасидан судга даъво аризаси киритиши ортидан ижтимоий тармоқларда муҳокамалар бошланди. Муҳокамаларнинг бир йўналиши Шерали Жўраевнинг интеллектуал мулкини мерос қилиб олиш йўналишида бўлмоқда. Жумладан, Ботир Қодиров Шерали Жўраевнинг қўшиқларини айтиши мумкинми? Интеллектуал мулк ҳуқуқи мерос бўлиб ўтадими? Агар Шерали Жўраев муаллифлик ҳуқуқи бўйича васиятнома қолдирган бўлса, оталикни белгиланган тақдирда Ботир Қодиров унга даъво қилиши мумкинми? Hudud24.uz ушбу мақолада интеллектуал мулк ҳуқуқини мерос қолдиришдаги муҳим жиҳатлар хусусида сўз юритади.
Жаримага тортиш ҳақидаги қарор кеч берилса, уни тўламаслик мумкинми? Йўл-ҳаракати қоидалари бўйича ишларни кўриб чиқишдаги 7 муҳим жиҳат
Уч ой ўтгандан кейин жарима хабарномаси келиши қонунийми? Ҳайдовчи камерага тушса, жаримани ким тўлайди: машина эгасими ёки уни бошқарган одам? Қачон тезликни оширганлик учун жарима қўлланмайди? Маъмурий баённомани имзоламаслик мумкинми, имзоламаса, нима бўлади? Суд ҳуқуқбузар иштирокисиз унга жарима қўлласа ёки қарор унга кеч берилса, уни тўламаса ҳам бўладими? Умуман, агар қоидабузарга вақтида жазо берилмаса, кейинчалик жазолаш мумкинми?
Блогер товламачилик қилаётганда ушланди
Агар ҳаётда инсоннинг бўйни меҳнатга ёр бермаса, у бировнинг ҳақига кўз олайтира бошлайди. Яъни осон пул топишга уринади. Оқибатда ўғирлик, талончилик, фирибгарлик ёки товламачилик сингари оғир ва ўта оғир жиноятларга қўл уради.
