Собиқ судьянинг мурожаати қаноатлантирилди
Суд очерклари
26.03.2024
116
Риштон туманининг Гулистон маҳалласида яшовчи Сулаймонжон Акбаров туман адлия бўлимига мурожаат қилиб, Бюджетдан ташқари пенсия жамғармасининг Риштон туман бўлими томонидан 8 йиллик иш стажи пенсия ҳисоблашда инобатга олинмаётгани масаласида амалий ёрдам беришни сўраган.
Аниқланишича, С.Акбаров 2023 йил апрель ойида Молия вазирлиги ҳузуридаги бюджетдан ташқари пенсия жамғармаси туман бўлимига ногиронлик пенсияси тайинлашни сўраб мурожаат қилган. Бинобарин, бўлимнинг 2023 йил 2 майдаги 1634557-сонли қарори билан ариза муаллифининг меҳнат стажи ва иш ҳақилари қўшиб ҳисобланиб, ногиронлик пенсияси тайинланган. Аммо мазкур қарорнинг иккинчи қисмига мувофиқ, Сулаймон Акбаровнинг 2005 йил 1 январдан 2005 йилдан 31 декабрга қадар Олтиариқ туман хусусий маслаҳатхонасида адвокат, 2005 йил 31 декабрдан 2010 йил 15 ноябргача фуқаролик ишлари бўйича Риштон туманлараро судининг судьяси, 2014 йил 15 мартдан 2016 йил 28 март кунига қадар «Абдураззоқов Фарруҳ» фермер хўжалиги аъзоси вазифасида ишлаган даврларини умумий иш стажига қўшиб ҳисоблаш рад этилган. Шу боис собиқ судья туман адлия бўлимига мурожаат қилган.
Албатта, тилга олинган ҳолатлар аниқлангач, туман адлия бўлими томонидан Фарғона туманлараро маъмурий судига ариза киритилди.
Меҳнат кодексининг 125-моддаси ва Ўзбекистон Республикасининг 1993 йил 3 сентябрдаги «Фуқароларнинг давлат пенсия таъминоти тўғрисида»ги қонуннинг 42-моддасига мувофиқ, меҳнат дафтарчаси иш стажини тасдиқловчи асосий ҳужжат ҳисобланади. Мазкур қоида Вазирлар Маҳкамасининг 2022 йил 13 октябрдаги 592-сонли қарори билан тасдиқланган «Давлат пенсияларини тайинлаш ва тўлаш тартиби тўғрисидаги Низом», Олий суди пленумининг 2017 йил 29 ноябрда қабул қилинган «Давлат пенсия таъминоти билан боғлиқ ишлар бўйича суд амалиёти тўғрисида»ги қарорида ҳам ўз аксини топган. Бинобарин, суд Бюджетдан ташқари пенсия жамғармаси Риштон туман бўлими зиммасига юқоридаги 8 йиллик даврни Сулаймон Акбаровга пенсия тайинлашда инобатга олиш мажбуриятини юклаш тўғрисида ҳал қилув қарори қабул қилди.
Икромжон ИСАҚОВ,
Риштон туман адлия бўлими бошлиғи
Улашиш:
Бошқалар
«Жаннат оналар оёғи остида» фильми тармоқларда тарқалди. Интернет-қароқчилик учун қандай жавобгарлик бор?
Фильмни тарқатиш қай даражада қонуний? Агар кишилар бир-бирига шахсий хабарлар орқали жўнатишсачи? Фильмни рухсатсиз тарқатганлик учун қандай жавобгарлик бор ва уни кино ижодкорларнинг аризасисиз ҳам қўллаш мумкинми? Hudud24.uz қуйидаги мақола орқали шу саволларга жавоб беради.
Жўраевлар иши: Ботир Қодиров Шерали Жўраевнинг қўшиқларини куйлаши мумкинми? Интеллектуал мулк ҳуқуқини мерос қолдириш бўйича муҳим жиҳатлар
Хонанда Ботир Қодиров оталикни белгилаш юзасидан судга даъво аризаси киритиши ортидан ижтимоий тармоқларда муҳокамалар бошланди. Муҳокамаларнинг бир йўналиши Шерали Жўраевнинг интеллектуал мулкини мерос қилиб олиш йўналишида бўлмоқда. Жумладан, Ботир Қодиров Шерали Жўраевнинг қўшиқларини айтиши мумкинми? Интеллектуал мулк ҳуқуқи мерос бўлиб ўтадими? Агар Шерали Жўраев муаллифлик ҳуқуқи бўйича васиятнома қолдирган бўлса, оталикни белгиланган тақдирда Ботир Қодиров унга даъво қилиши мумкинми? Hudud24.uz ушбу мақолада интеллектуал мулк ҳуқуқини мерос қолдиришдаги муҳим жиҳатлар хусусида сўз юритади.
Жаримага тортиш ҳақидаги қарор кеч берилса, уни тўламаслик мумкинми? Йўл-ҳаракати қоидалари бўйича ишларни кўриб чиқишдаги 7 муҳим жиҳат
Уч ой ўтгандан кейин жарима хабарномаси келиши қонунийми? Ҳайдовчи камерага тушса, жаримани ким тўлайди: машина эгасими ёки уни бошқарган одам? Қачон тезликни оширганлик учун жарима қўлланмайди? Маъмурий баённомани имзоламаслик мумкинми, имзоламаса, нима бўлади? Суд ҳуқуқбузар иштирокисиз унга жарима қўлласа ёки қарор унга кеч берилса, уни тўламаса ҳам бўладими? Умуман, агар қоидабузарга вақтида жазо берилмаса, кейинчалик жазолаш мумкинми?
Блогер товламачилик қилаётганда ушланди
Агар ҳаётда инсоннинг бўйни меҳнатга ёр бермаса, у бировнинг ҳақига кўз олайтира бошлайди. Яъни осон пул топишга уринади. Оқибатда ўғирлик, талончилик, фирибгарлик ёки товламачилик сингари оғир ва ўта оғир жиноятларга қўл уради.
