Таътилдан қайтган ходим адлия аралашуви билан ўз ўрнида иш бошлади
Суд очерклари
30.03.2024
123
РИШТОН туманининг Булоқбоши маҳалласида яшовчи Нафиса Исмоилова 2011 йилдан буён собиқ туман ДСEНМ (ҳозирги Ўзбекистон Республикаси Санитария-эпидемиологик осойишталик ва жамоат саломатлиги қўмитасининг туман бўлими)да ишлаб келган. 2018 йил февраль ойида эса унга туғруқ ва бола парвариши таътили берилган.
Аммо мазкур таътили тугамасдан – 2020 йил январь ойида иккинчи маротаба туғруқ ва бола парвариши таътилига чиққан. Орадан 3 йил ўтгач, яъни жорий йилнинг январь ойида ишга қайтмоқчи бўлади Нафиса. Бироқ бўлим раҳбари «Иш ўрни қисқарган» деган важ билан унинг талабини рад этган. Натижада Н.Исмоилова Риштон туман адлия бўлимига мурожаат қилиб, ишга қайтишда амалий ёрдам сўраган.
Мурожаатни ўрганиш давомида аниқландики, 2018 йилда аёл туғруқ ва бола парвариши таътилига чиққач, унинг ўрнига бошқа ходим вақтинча ўтказилган. Аниқроғи, аёлнинг иш ўрни қисқармаган.
Меҳнат кодексининг 215-моддасига мувофиқ, ижтимоий таътилларда, хусусан, туғруқ ва бола парвариши таътилида бўлган даврда ходимнинг иш ўрни (лавозими) сақланиб қолади ҳамда ходим билан тузилган меҳнат шартномасини иш берувчининг ташаббусига кўра бекор қилишга йўл қўйилмайди.
Кодекснинг 405-моддасига биноан эса болани парваришлаш таътиллари даврида ходимнинг иш жойи (лавозими) сақланади. Бу таътилларнинг кўпи билан олти йили меҳнат стажига қўшилади, шу жумладан мутахассислиги бўйича иш стажига ҳам қўшиб ҳисобланади.
Бундан кўриниб турибдики, 2018 йилда Нафиса Исмоилованинг ўрнига вақтинча ўтказилган ходим у ишга қайтмоқчи бўлганида бўшатиб бериши лозим эди. Бинобарин, Санитария-эпидемиологик осойишталик ва жамоат саломатлиги қўмитасининг Риштон туман бўлимига тақдимнома киритилди. Натижада Н.Исмоилова аввалги ишига қайтарилди.
Икромжон ИСАҚОВ,
Риштон туман адлия бўлими бошлиғи
Улашиш:
Бошқалар
«Жаннат оналар оёғи остида» фильми тармоқларда тарқалди. Интернет-қароқчилик учун қандай жавобгарлик бор?
Фильмни тарқатиш қай даражада қонуний? Агар кишилар бир-бирига шахсий хабарлар орқали жўнатишсачи? Фильмни рухсатсиз тарқатганлик учун қандай жавобгарлик бор ва уни кино ижодкорларнинг аризасисиз ҳам қўллаш мумкинми? Hudud24.uz қуйидаги мақола орқали шу саволларга жавоб беради.
Жўраевлар иши: Ботир Қодиров Шерали Жўраевнинг қўшиқларини куйлаши мумкинми? Интеллектуал мулк ҳуқуқини мерос қолдириш бўйича муҳим жиҳатлар
Хонанда Ботир Қодиров оталикни белгилаш юзасидан судга даъво аризаси киритиши ортидан ижтимоий тармоқларда муҳокамалар бошланди. Муҳокамаларнинг бир йўналиши Шерали Жўраевнинг интеллектуал мулкини мерос қилиб олиш йўналишида бўлмоқда. Жумладан, Ботир Қодиров Шерали Жўраевнинг қўшиқларини айтиши мумкинми? Интеллектуал мулк ҳуқуқи мерос бўлиб ўтадими? Агар Шерали Жўраев муаллифлик ҳуқуқи бўйича васиятнома қолдирган бўлса, оталикни белгиланган тақдирда Ботир Қодиров унга даъво қилиши мумкинми? Hudud24.uz ушбу мақолада интеллектуал мулк ҳуқуқини мерос қолдиришдаги муҳим жиҳатлар хусусида сўз юритади.
Жаримага тортиш ҳақидаги қарор кеч берилса, уни тўламаслик мумкинми? Йўл-ҳаракати қоидалари бўйича ишларни кўриб чиқишдаги 7 муҳим жиҳат
Уч ой ўтгандан кейин жарима хабарномаси келиши қонунийми? Ҳайдовчи камерага тушса, жаримани ким тўлайди: машина эгасими ёки уни бошқарган одам? Қачон тезликни оширганлик учун жарима қўлланмайди? Маъмурий баённомани имзоламаслик мумкинми, имзоламаса, нима бўлади? Суд ҳуқуқбузар иштирокисиз унга жарима қўлласа ёки қарор унга кеч берилса, уни тўламаса ҳам бўладими? Умуман, агар қоидабузарга вақтида жазо берилмаса, кейинчалик жазолаш мумкинми?
Блогер товламачилик қилаётганда ушланди
Агар ҳаётда инсоннинг бўйни меҳнатга ёр бермаса, у бировнинг ҳақига кўз олайтира бошлайди. Яъни осон пул топишга уринади. Оқибатда ўғирлик, талончилик, фирибгарлик ёки товламачилик сингари оғир ва ўта оғир жиноятларга қўл уради.
