2020 йилда Ўзбекистонда 791,9 млрд сўмлик кўмир ишлаб чиқарилган

0

2020 йилда Ўзбекистонда 791,9 млрд сўмлик кўмир ишлаб чиқарилган.

Бу ҳақда АОЕАда бўлиб ўтган матбуот анжуманида «Ўзбеккўмир» АЖ директори ўринбосари Эркин Ёқубов маълум қилди.

Унинг айтишича, ўтган йили кон устини очиш ишлари 23,1 млн куб метр, ўтган йилнинг мос даврига нисбатан ўсиш суръати 113 фоизни ташкил қилган.

Кўмир қазиб олиш 3,9 млн тоннага, кўмир етказиб бериш 4,2 млн тоннага етган, жумладан:

иссиқлик электр станцияларига — 2,8  млн тонна;

аҳолига — 940 минг тонна;

ижтимоий соҳа ташкилотларига — 412,8 минг тонна;

иқтисодиётнинг реал секторига — 87,4 минг тонна.

2020 йил давомида корхонада саноат маҳсулот ишлаб чиқариш ҳажми 791,9 млрд сўмни (ўтган йилнинг мос даврига нисбатан ўсиш суръати 119,3 фоизни);

Маҳсулот сотиш ҳажми 811,6 млрд сўм (ўтган йилнинг мос даврига нисбатан ўсиш суръати 123,4 фоизни);

Маҳсулот таннархини пасайтириш 70,5 млрд сўм (ёки 10,0 фоиз)ни ташкил этган.