Жиззахда Volkswagen Caddy автомобиллари ишлаб чиқарилади

0

“Жиззах Авто” базасида Volkswagen Caddy енгил тижорат автомобилларини ишлаб чиқариш бошланмоқда.

Жиззах вилояти ҳокимлиги Ахборот хизматининг хабар беришича, жорий йилнинг март ойида “Ўзавтосаноат” АЖ ва “Фольксваген Груп Рус” концерни ўртасида “Жиззах Автомобиль Заводи” МЧЖ компанияси базасида енгил тижорат автомобилларини ишлаб чиқаришни ташкил этиш бўйича ҳамкорлик тўғрисида Келишув имзоланган.

“Ўзавтосаноат” хабарида айтилишича, бугунги кунда 45 гектар майдонда жойлашган заводнинг қурилиш ишлари якуний босқичида турибди. Завод ва офиснинг асосий бинолари қуриб битказилган.

Енгил тижорат автомобиллари ишлаб чиқариш жараёнини жадаллаштириш мақсадида Ўзбекистонга Volkswagen Caddy автомобилларининг бир қисми келтирилиб, улар сертификация бўйича ваколатли органларга иқлим синовлари ва омологация бўйича махсус текширувлардан ўтказиш учун топширилган.

Ҳозирда “Ўзстандарт” агентлиги томонидан сертификациялаш ва транспорт воситаларининг амалдаги норматив ҳужжатлар талабларига мувофиқлигини тасдиқлаш, жумладан, сертификацияловчи орган томонидан назорат иқлим текширувлари ва умумий техник регламент талабларига биноан бошқа синовларни ўтказиш ишлари амалга оширилмоқда.

Маълум қилинишча, бир вақтнинг ўзида “Жиззах Авто” МЧЖ томонидан “Фольксваген” дилерлик тармоғини ривожлантириш мақсадида республика ҳудудларидаги қатор дилерлик корхоналар ҳамкорлик қилиш учун танлаб олинган.

Volkswagen Caddy русумли автомобиллар савдоси шу йилнинг июль ойидан бошланиши режалаштирилмоқда.

Volkswagen Caddy – 7 ўриндиқли (5-ўриндиқли кўриниши ҳам мавжуд) йўловчи ва юк минивени. Автомобиль ҳам бизнес юритишга, ҳам оилавий фойдаланиш учун тўғри келади. Тежамкор ва технологик (MPI) двигатель 1,6 литр қувватга эга, бензинда ишлайди. Ёқилғи сарфи – шаҳарда 100 км.га 9,3 литр, трассада – 100 км.га 6,1 литр.

Изоҳ қолдиринг:

Илтимос, изоҳингизни ёзинг
Илтимос, исмингизни бу ерга киритинг