“Нексия-2”ни нотариусда расмийлаштириш ҳаражати қанча бўлади?

0

— “Нексия-2” русумли, 2009 йилда ишлаб чиқарилган автотранспорт харид қилдим. Энди уни расмийлаштиришга кетадиган тўлови миқдорини қандай билса бўлади? Автомашина 85 от кучига эга экан. Бир танишим 500 доллар берсанг, расмийлаштиришга ёрдам бераман, деяпти.

— Харид қилган автомашинангиз 2009 йилда ишлаб чиқарилган бўлса, ишлаб чиқарилган вақтига қараб 7 йилдан ва ундан ортиқ бўлган автомашинани расмийлаштириш учун давлат божи учун 669 минг, герб йиғими 22300 сўм, кўрсатилган ҳуқуқий хизмат, тақиқ ва қарздорликни текширганлик учун 122 650 сум, жами 813 950 сўмни ташкил қилади.
Ўз фойдасини кўзлаб, чўнтагингизга кўз олайтирадиган виждонсиз танишларга эмас, тўғридан тўғри нотариусга мурожаат қилинг.

Саволга Олмалиқ шаҳрида хусусий амалиёт билан шуғулланувчи нотариус Феруза Турғунова жавоб берди.