Ёшларнинг хорижга чиқиб кетиш муаммоси Тоқаевни ташвишга солмоқда

Қозоғистонда таълим грантларини молиялаштириш уч баробарга оширилди.

Ёшларнинг хорижга чиқиб кетиш муаммоси Қозоғистон Президенти Қосим-Жўмарт Тоқаевни ташвишга солмоқда, – дея хабар беради “Казинформ” мухбири.

Ёшларнинг хорижга чиқиб кетиш масаласига алоҳида эътибор қаратиш лозим. Мазкур муаммо юзага келишининг асосий сабаби олий таълим тизимимиздаги паст рақобатбардошликдир. Уни ҳал этиш эса қўшимча инвестицияларни талаб этади. Шу муносабат билан давлат таълим грантларини молиялаштиришни 420 минг тенгедан 1 миллион тенгегача оширишга қарор қилдик. Яъни грантлар миқдори уч баробар оширилади, – дейди Қосим-Жўмарт Тоқаев Жамоатчилик ишончи Миллий мажлисининг учинчи йиғилишида.

Давлат раҳбарининг сўзларига кўра, мазкур қарор ўқитувчилар маошларини вақти-вақти билан ошириб бориш ва олий ўқув юртлари моддий-техник базасини яхшилашга имкон яратади.

“Бу муҳим қадам, негаки грантлар миқдори 2011 йилдан буён оширилмаган эди. Бизнинг 10 та олий ўқув юртимиз дунёнинг 500 энг яхши университетлари қаторида бўлиши лозим. 2025 йилда мана шу натижага эришишимиз керак”, – дея ўз сўзини якунлаган Қозоғистон Президенти.