Ўғлимнинг контракт пулидан 12 фоиз солиқни қайтариб олсам бўлар экан. Мен тўрт йил контракт тўлаб келдим. Шу солиқларни қандай қайтариб олсам бўлади?
Cолиқ мажбурияти бўйича даъво қилиш муддат 5 йилни ташкил этади. Шу боисдан, Cиз тўрт йиллик контракт пулидан тўланган солиқларни қайтариб олишингиз мумкин.
Бунда солиқ органига мурожаат қиласиз ва Сизга тўланган солиқ қайтарилади.
❗️ Солиқ органига бораётганда ўзингиз билан қуйидаги ҳужжатларни олишингиз керак:
✅ Жами йиллик даромадингиз тўғрисида маълумотнома;
✅Фарзандингиз тўлов шартномасининг нусхаси;
✅Контракт пулини ҳақиқатда Сиз тўлаганлигингизни тасдиқловчи чек (чекда Сизнинг ёки турмуш ўртоғингизнинг исм-фамилияси кўрсатилган бўлиши шарт. Агарда бошқа фамилия кўрсатилган бўлса имтиёз қўлланилмайди);
✅Фарзандингизнинг туғилганлик ҳақидаги гувоҳномаси;
Ёки my.soliq.uz орқали онлайн мурожаат қолдириб, 12 фоиз солиқни қайтариб олишингиз мумкин.