7 майдан бошлаб Туркияда жорий локдаун шартлари кучайтирилади, деб хабар қилмоқда Қозоғистон ҳукумати ҳузуридаги Қозоғистонда коронавирус тарқалишининг олдини олиш бўйича идоралараро комиссиясининг Telegram канали.
Хабарга кўра, дўконларда фақат асосий озиқ-овқат, гигиена воситалари ва уй ҳайвонлари учун озиқ-овқат маҳсулотларига рухсат берилади.
Аввалроқ, Туркия президенти коронавирус билан боғлиқ қийин вазият туфайли мамлакатда 29 апрелдан 17 майгача тўлиқ локдаун ҳақида эълон қилганди. Ички ишлар вазирлигидан ташқари барча ташкилот ва муассасалар ўз фаолиятини тўхтатди. Узоқ масофага саёҳат қилиш фақат расмийларнинг рухсати билан амалга оширилади. Чет эллик сайёҳларга комендантлик соати татбиқ этилмайди.