Меҳнат кодексининг 287-моддасига кўра, бола туғилганда бир йўла бериладиган нафақа тўланиши, ҳар бир туғилган бола учун бериладиган нафақа миқдори ва уни тўлаш тартиби қонун ҳужжатлари билан белгилаб қўйилиши кўрсатилган.
Ушбу нафақа меҳнатга ҳақ тўлашнинг энг кам миқдори 70,3 фоизи миқдорида белгиланган.
Бунда фуқаролар туғилганлик гувоҳномаси олиш учун ФҲДЁ бўлимларига мурожаат қилганда бола ва ота-она тўғрисидаги электрон маълумотлар махсус электрон тизим орқали автоматлаштирилган тарзда Пенсия жамғармасига юборилади. Шундан сўнг фуқарога қисқа фурсатда қўл телефонига смс-хабар келади. Ушбу смс-хабар келгандан кейин фуқаро фақатгина паспорт билан исталган “Халқ банки” филиалига бориб белгиланган суюнчи пулини олиб кетишлари мумкин.