Dili me номи билан ижод қилувчи вайнер гуруҳ бўлиб битта болани калтаклашгани учун вақтинчалик қамоққа олингани ҳақидаги хабарларга Бош прокуратура расмий маълумот берилди.
Бош прокуратуранинг маълум қилишича, вайнер 23 январь куни шериклари билан жамиятда юриш-туриш қоидаларини қасддан менсимасдан фуқаро П.А.ни уриб тан жароҳат етказган.
Мазкур ҳолат юзасидан Жиноят кодексининг 277-моддаси (безорилик) билан жиноят иши қўзғатилган.
Жиноят иши бўйича гумонланувчи бир неча маротаба чақиртирилишига қарамасдан терговга келишдан бўйин товлаб келган.
Шу сабабли унга нисбатан қидирув эълон қилинган.
Олиб борилган тезкор қидирув ҳаракатлари давомида Ў.Д. 10 март куни ушланиб, терговга жалб қилинган.