— Биз яшаётган уй бузилишга тушган. Шу уйни олдимизда қурилиш қилаётган тадбиркор сотиб олмоқчи. Уй онамнинг номида, онам вафот этган. Шундай ҳолатда нотариус орқали олди-сотди қилса бўладими?
— Вафот этган шахснинг номидан нотариус орқали олди-сотди қилинмайди. Сиз онангиз охирги яшаган жойларидаги нотариусга уйнинг кадастр ҳужжатлари билан борасиз. Нотариус мерос иши очади. Марҳумнинг меросхўрларига мерос гувоҳномаси нотариус номонидан берилади ва давлат рўйхатидан ўтказилгандан кейин олди-сотди шартномаси расмийлаштирса бўлади.
Саволга Шаҳрисабз туманида хусусий амалиёт билан шуғулланувчи нотариус Насиба Исмоилова жавоб берди.