Чехияда Домажлице ва Ближеов бекатларида ўртасида иккита йўловчи поезд тўқнашиб кетди. Бу ҳақда Novinky.cz нашри хабарига таяниб Спутник хабар қилди.
Ҳодиса оқибатида иккита машинист ва бир йўловчи ҳалок бўлган. 31 киши жароҳат олган, улардан беш нафари оғир аҳволда. Полиция уч кишининг ўлимини тасдиқлаган.
Хабарда айтилишича, Eх 351 Zapadni expres тезюрар поезди Мюнхендан Прагага кетаётган бўлган, йўловчи поезди эса Пльзень — Домажлице йўналишида ҳаракатланган.
Чехия Транспорт вазирлигининг маълум қилишича, поездлардан бирининг машинисти қизил чироқдан ўтиб кетган. Поезд ҳалокатининг сабаблари ўрганилмоқда. Воқеа жойида ўт ўчирувчилар, шифокорлар ва полиция ишламоқда. Шунингдек, тўртта махсус вертолёт жалб қилинган.