АҚШ фазони тадқиқ этиш агентлиги Ерни астероидлардан ҳимоя қилиш режасини илк марта ошкор қилди. Лойиҳага кўра, заминимизга хавф солувчи объектни зонд ўрнатилган ракета қарши олади.
Қайд этилишича, SpaceX компаниясининг Falcon-9 ракета ташувчиси DART зонди билан жорий йилнинг 24 ноябр куни Калифорния штатидаги Ванденберг Фазо кучлари базасидан учирилади.
DART аппарати ракетадан ажралганидан сўнг, Дидим-Диморф астероидни қарши олиш учун йўл олади ва у билан 2022 йилнинг кузида тўқнашиши керак. Режага кўра, тўқнашувдан сўнг Ерга хавф солувчи самовий келгиндининг ҳаракат йўналиши ўзгаради.
