Энергетика вазирлиги 2-февралдан бошлаб барча ҳудудлардаги АГТКШлар фаолияти босқичма-босқич тикланиши ҳақида маълум қилди.
Совуқ кунларда табиий газни биринчи навбатда аҳоли хонадонлари ва ижтимоий соҳа обектларига етказиб бериш учун автомобилларга газ тўлдириш компрессор шохобчалари (АГТКШ) фаолияти вақтинча тўхтатилган эди.
Бугунги кунда газ қувурларида босимнинг меъёрга келиши натижасида аҳоли хонадонлари ва ижтимоий соҳа обектларини табиий газ билан бир маромда таъминлаш имкони яратилмоқда.
Шу сабабли, жорий йил 2-февралдан бошлаб маҳаллий ҳокимликлар томонидан тақдим этилган рўйхат асосида АГТКШлар фаолияти босқичма-босқич йўлга қўйилади.
АГТКШларнинг фаолият юритиш вақти ҳудудлар шароитидан келиб чиққан ҳолда маҳаллий ҳокимликлар билан келишилган тарзда амалга оширилади.
АГТКШлар фаолиятидаги вақт чекловлари газ қувурларида босимнинг кўтарилиб боришига мос равишда ўзгартириб борилади, дейилади Энергетика вазирлиги хабарида.