Фарғона вилоятининг Ёзёвон туманида тўй кортежида қатнашган 16 киши 15 суткага қамалди. Бу ҳақда вилоят ички ишлар бошқармаси хабар берди.
Келтирилишича, Ёзёвон туманининг Мустақиллик кўчасида 10 дан ортиқ автомашиналарида йўл-ҳаракати қоидаларини менсимай ҳаракатланган йигитлар бошқа транспортларнинг ҳаракатланишига халақит берган ва жамоат жойида юриш-туриш қоидаларини бузган. Қоидабузарларнинг шахси воқеа жойида аниқланиб, уларга тегишли автомашиналар жарима майдончасига жойлаштирилган.
Суд жами 16 нафар шахснинг ҳар бирига 15 суткага маъмурий қамоққа олиш тўғрисида қарор чиқарган.