ФВВ ахборот хизмати ҳайдовчиларни 22 январь куни Қамчиқ довонида қор ёғиши хавфидан огоҳлантирди.
Қайд этилишича, Тошкент—Ўш автомобил йўлининг Қамчиқ довони қисмида қор ёғиши, вақти-вақти билан кучайиши кутилмоқда.
Бундан ташқари, кўрувчанлик 50 метргача ёмонлашиши, шамол тезлиги 17-22 м/с гача кучайиши, йўлда қор уюмлари, яхмалак ҳосил бўлиши мумкин.
Шу боис вазирлик мазкур йўналиш бўйича ҳаракатланувчи ҳайдовчиларни эҳтиёт чораларини кўришга чақирди.