“Financial Times” етакчи бизнес газетаси 30 йил ичида биринчи марта Ўзбекистон ҳақидаги махсус ҳисоботини тақдим этди.
Ҳужжатда мамлакатимиздаги ислоҳотлар очиб берилган: либераллаштириш ва иқтисодий ўсиш, сармоядорлар учун қулай шарт-шароитлар, хусусийлаштириш жараёнлари, озиқ-овқат соҳасидаги катта ўсиш, халқаро капитал бозорига муваффақиятли кириш ва бошқалар.
Ҳисоботда Шавкат Мирзиёев Ўзбекистонни иқтисодий ва сиёсий ҳамкорлик учун очиқ мамлакатга айлантиргани айтилади. Сиёсат ва бизнесда қандай қилиб муваффақиятли ислоҳотлар ўтказиш кераклиги бўйича республикамиз ўз қўшниларига намуна бўла олиши таъкидланади.