Германия федерал ҳукумати “барча соҳаларда Россиядаги ўз иштирокини сезиларли даражада қисқартиради” ва Россиядаги немис дипломатлари сонининг қисқартирилишига жавобан мамлакатдаги Россия бош консулликларининг аксариятини ёпади.
Германия ҳукумати чоршанба куни Россиянинг бешта бош консуллигидан тўрттаси 2023 йил охиригача ёпилишини маълум қилди.
Фақат Россиянинг Берлиндаги элчихонаси ва битта бош консуллик ўз фаолиятини давом эттиради.
Айнан қайси дипломатик ваколатхоналар ёпилиши ҳозирча маълум қилинмаган.
Мазкур қарор Москванинг немис дипломатларини Россияда бўлишига рухсат берилган сонини чеклаш бўйича ҳаракатларига жавобан қабул қилинди.
Германия Ташқи ишлар вазирлиги матбуот котиби Кристофер Бургер “Россия ҳукумати кескинликни кучайтиришга қаратилган қадам ташлаганини” таъкидлади ва бу “асоссиз қарор федерал ҳукуматни барча соҳаларда Россиядаги иштирокини сезиларли даражада камайтиришга мажбурлаётганини” таъкидлади.