Яқин танишим банкдан 30 миллион кредит олди, мендан кафил бўлишимни илтимос қилди. Мен рози бўлдим. У кредитини ўз вақтида тўламаяпти, менинг пластик картамдан эса кредит қарздорлиги ечиб олинди. Шу тўғрими?
Кафиллик шартномасига розилик бериш, бошқа шахс ўз мажбуриятини тўла ёки қисман бажариши учун унинг кредитори олдида жавоб беришни ўз зиммасига олиш дегани.
Бу оддий қилиб айтганда кимгадир кафил бўлиш орқали “олавер, тўлолмасанг мен кафилман”, дегани. Банк ҳодимлари кафиллик шартномасига кўра, асосий қарздор кредит қарзини тўлай олмаган тақдирда кредит мажбуриятини кафилга қисман ёки тўлиқ миқдорда юклаши мумкин.
Шу ўринда савол туғилади, унда кафил қарздорнинг қарзини тўлаб юравериши керакми?
Агарда кафил кредит бўйича қарздорликни тўлаган бўлса, судга даъво қилиб, тўлаган тўловини фоизи билан қайтариш ва кўрган зарари ўрнини қоплаб беришни талаб қилишга ҳақли.
Саволга Бухоро туман Адлия бўлими масъул ходими Амин Шамсиев жавоб берди.