“Фуқароларнинг давлат пенсия таъминоти тўғрисида»ги Ўзбекистон Республикаси Қонунига ўзгартишлар киритиш ҳақида”ги ЎРҚ-791-сон қонунга асосан, пенсияларини ҳисоблаб чиқариш учун қабул қилинадиган ўртача ойлик иш ҳақининг энг кўп миқдорини пенсияни ҳисоблаш базавий миқдорининг ўн баробаридан ўн икки баробаригача ошириш назарда тутилган.
Бунда, 2023 йил 1 январдан тайинланган пенсия ҳисоблашда ўртача ойлик иш ҳақи миқдори 3 млн. 240 минг сўмдан 3 млн. 888 минг сўмгача миқдорда аниқланган барча пенсиялар қайта ҳисоб-китоб қилиб чиқилади;
Натижада 352 минг нафар фуқаронинг пенсия миқдори қайта ҳисоб китоб қилиниб ўртача ойлик пенсия миқдори 400 минг сўмгача оширилади.