Давлат дастурида белгиланишича, вақтинча меҳнатга лаёқатсизлик варақалари ва бошқа тиббий маълумотномаларни бериш босқичма-босқич электрон шаклга ўтказилади.
Тиббий маълумотномалар ва касаллик варақаларини электрон кўринишда бериш:
Навоий ва Сирдарё вилоятларида – 2023 йил 1 июлдан;
Тошкент шаҳри, Тошкент ва Самарқанд вилоятларида – 2023 йил 1 октябрдан;
республиканинг бошқа ҳудудларида – 2024 йил 1 январдан бошланади.
2024 йил 1 январдан бошлаб вақтинча меҳнатга лаёқатсизлик варақалари ва бошқа тиббий маълумотномаларни қоғоз шаклда талаб қилиш тақиқланади.