Компьютердан фойдаланувчи белгиланган қоидаларни бузиб компьютер ахборотини йўқ қилиб юборса, компьютер ускунасини бузса, —
-
- фуқароларга 1,5 млн сўмдан 2,1 млн сўмгача,
- мансабдор шахсларга эса — 2,1 млн сўмдан 3 млн сўмгача жарима солишга сабаб бўлади.
Худди шундай ҳуқуқбузарлик ўта муҳим ахборот мавжуд бўлган компьютер тизимидан фойдаланиш вақтида содир этилса, —
-
- фуқароларга 2,1 млн сўмдан 3 млн сўмгача, мансабдор шахсларга эса — 3 млн сўмдан 4,5 млн сўмгача жарима солишга сабаб бўлади.
Компьютер саботажи учун эса:
Бировнинг компьютерини ёки хизматда фойдаланиладиган компьютерини қасддан ишдан чиқариш, худди шунингдек компьютер тизимини бузиш (компьютер саботажи) — 3 йилгача муайян ҳуқуқдан маҳрум қилиб, 90 млн сўмдан 120 млн сўмгача миқдорда жарима ёки 2 йилгача озодликни чеклаш ёхуд 2 йилгача озодликдан маҳрум қилиш билан жазоланади.
Ўша ҳаракатлар:
- бир гуруҳ шахслар томонидан олдиндан тил бириктириб;
- такроран ёки хавфли рецидивист томонидан содир этилган бўлса, —
-
- 2 йилдан 3 йилгача ахлоқ тузатиш ишлари ёки 2 йилдан 3 йилгача озодликни чеклаш ёхуд 2 йилдан 3 йилгача озодликдан маҳрум қилиш билан жазоланади.
Жаҳонгир Ҳамроев,
Қоровулбозор туман Адлия бўлими Юридик хизмат кўрсатиш маркази ходими