Иш ҳақи тўғрисида маълумот бўлмаган фуқарога пенсия тайинланадими?
Ўзбекистон
14.05.2024
113
Иш ҳақим тўғрисидаги маълумотлар умуман йўқ. Менга пенсия тайинлашда иш ҳақи қандай аниқланади, дея Пенсия жамғармасига мурожаат қилган фуқаролардан бири.
Жамғармага кўра, Ўзбекистон қонунчилигида мазкур масалада аниқ ечим мавжуд. Яъни фуқаронинг иш ҳақи тўғрисидаги маълумотлари бўлмаса, унга пенсияни ҳисоблашнинг базавий миқдоридан келиб чиқиб пенсия ҳисобланади. Шунингдек, ўртача ойлик иш ҳақи белгиланган миқдордан оз бўлса ҳам пенсияни ҳисоблашнинг базавий миқдоридан келиб чиқиб ҳисоб–китоб қилинади.
Маълумот учун, айни пайтда республикада пенсияни ҳисоблашнинг базавий миқдори 372 минг сўмни ташкил етади.
Аввалроқ 2025 йилнинг март ойидан бошлаб пенсиялар автоматик тарзда, яъни ҳеч қандай ҳужжат талаб этмаган ҳолда ва фуқаронинг мурожаатисиз тайинлана бошлаши хабар қилинганди. Бу жараёнда шахсга доир маълумотлар вазирлик ва идоралар электрон базаларидан олиниши қайд этилган.
Эслатиб ўтамиз, 2024 йил 1 январдан фуқаролар учун Ягона интерактив давлат хизматлари портали орқали пенсия тайинлашни сўраб онлайн мурожаат қилиш имкони яратилган. Шу билан бирга, Пенсия жамғарилган пенсия маблағларини Халқ банкининг мобил иловаси орқали олиш йўлга қўйилган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Хусусий мулк ва мулкдорлар ҳуқуқларининг ҳимоя қилиниши кучайтирилади
Унга кўра, уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни белгиланган тартибда қопланишини назарда тутувчи ўзгартириш ва қўшимчалар киритилмоқда.
