Aдлия вазирлиги қошидаги "Aдолат" миллий ҳуқуқий ахборот марказига Беларусь Республикаси Қонунчилик ва ҳуқуқий ахборот миллий маркази делегациясининг ташрифи амалга оширилди.

Делегация аъзолари, дастлаб, Марказнинг тегишли таркибий бўлинмалари фаолияти, “Инсон ва қонун” газетаси ҳамда “Ҳуқуқ ва бурч” ижтимоий-ҳуқуқий, илмий журнали бирлашган таҳририяти тақдимотлари, шунингдек, Lex.uz сайтида амалга оширилаётган ишлар билан танишди.

Томонлар ўртасида ҳуқуқий ахборотни тарқатиш ҳамда қонунчилик ҳужжатларини тизимга киритиш соҳасида, юридик ва бошқа турдаги адабиётларни нашр қилиш соҳасида фикр, тажриба алмашилиб, келгусида амалга оширилиши мўлжалланган истиқболли лойиҳалар кўриб чиқилди.

Куннинг иккинчи ярмида делегация аъзолари Aдлия вазирлиги вакиллари билан протокол учрашувини ўтказиш ҳамда Ўзбекистон Республикаси норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизими фаолияти билан танишиш мақсадида вазирликка ташриф буюришди. 

Шундан сўнг, Мултимедиа марказида амалга оширилаётган ишлар юзасидан тақдимотлар ўтказилди. Мазкур тақдимотлар делегация аъзоларида катта таассурот қолдирди.

Учрашув давомида томонлар ўртасида ўзаро ҳужжат алмашилди.