Нигер жанубидаги икки қишлоқда “Боко Харам” террористик ташкилоти томонидан юз нафардан ортиқ тинч аҳоли вакиллари ўлдирилган, 25 киши турли даражада тан жароҳати олган. Бу ҳақда “Евроньюс” телеканали хабар тарқатган. Ҳуқуқни муҳофаза қилиш ташкилотларининг таъкидлашича, бу Нигер тарихидаги энг йирик оммавий қотиллик саналади.
Қишлоқ оқсоқолларидан бирининг айтишича, жангарилар бир қанча мотоциклларда икки гуруҳга бўлинган ҳолда бир-биридан етти километр узоқда жойлашга икки қишлоққа бостириб келишган ва тинч аҳоли вакилларини ўққа тутишган.
Куни кеча, якшанба куни қўшни Нигериянинг шимоли-шарқий қисмида “Боко Харам” террористик ташкилотининг лагери ўққа тутилган, шу тариқа жангариларнинг қурол омбори ҳам йўқ қилинган эди. Бу ҳақда “Синьхуа” ахборот агентлиги Нигерия мудофаа вазирлиги вакили, генерал-майор Жон Эненченинг баёнотига таяниб хабар қилган.
Эслатиб ўтган якшанба куни Нигерияда навбатдаги президент сайлови ўтказилган, бироқ унда ўз номзодини илгари сурган 30 кишидан ҳеч бири етарли овоз тўплай олмаган эди. Айни пайтда сайловнинг иккинчи босқичига ҳозирлик кўрилмоқда.
Нигер тарихида энг катта оммавий қотиллик юз берди
