Вейк-ан-Зее (Нидераландия) шаҳрида катта тарихга эга нуфузли шахмат турнири бўлиб ўтмоқда. Tata Steel Chess Tournament 2023 нинг шу кунгача энг ёрқин лаҳзаларидан бири кеча ютдошимиз, вундеркинд, “Ўзбекистонлик шахмат юлдузи” деб таърифланаётган Нодирбек Абдусатторовнинг шахмат бўйича жаҳон чемпиони Магнус Карсенни мағлуб этиб, турнирда яққол пешқадамга айлангани бўлди. Жаҳон шахмат экспертлари, хусусан нуфузли шахмат сайтлари бу ҳақида нималар демоқда?
Chess.com: Бу халқаро шахмат мусобақасида саккиз йилдан бери кузатилмаган ҳол
18 ёшли гроссмейстер Нодирбек Абдусатторов 2023-йилги “Tata Steel Chess” турнирининг бешинчи раундида гроссмейстер Магнус Карлсенни қора доналарда мағлуб этди. Ўзининг олдинги раундда гроссмейстер Парҳам Маҳсудлу (Parham Maghsudloo) устидан қозонилган ғалабаси билан Абдусатторов кетма-кет иккинчи ғалабасини қўлга киритди ва Карлсенга кетма-кет иккинчи классик мағлубиятни тақдим этди. Бу ҳолат “Norway Chess 2015” халқаро шахмат мусобақасидан бери саккиз йил давомида кузатилмаган. Абдусатторов гроссмейстер Аниш Гири билан ягона пешқадамликни қўлга киритди ва уни ярим очкога қувиб ўтди.
(Chess.com — дунёдаги энг йирик шахмат платформаларидан бири, 2022 йил 16 декабрда фойдаланувчилари сони 100 миллионга етган).
The week in Chess (ТWIC): Абдусатторов мукаммал техника билан ўйнади
Нодирбек Абдусатторов жаҳон чемпиони Магнус Карлсенни ажойиб услубда ортда қолдирди. Бу Абдусатторовга беш раунддан сўнг тўлиқ устунлик берди. Менимча, Карлсен 2014 йилги Гашимов мемориали (The Gashimov Memorial of 2014)дан кейин биринчи марта кетма-кет иккита классик ўйинда мағлуб бўлиши.
Куннинг энг яхши ўйини Абдусатторовнинг Карлсен устидан шов-шувли ғалабаси бўлди. Карлсен Абдусатторовга қарши инглизларнинг ғайриоддий чизиғини ўйнади. Карлсен бу чизиқни олдин икки марта ўйнаган ва фақат 9-ҳаракатда у 2017 йилда Вачиер Лагравега қарши ўйнаган блитс ўйинидан четга чиқди. Абдусатторов қора тошлар билан ажойиб ғалаба имкониятига эга бўлди ва мукаммал техника билан тўлиқ очко олишга муваффақ бўлди.
(The week in Chess — (ТWIC) (Шахмат ҳафталиги) Буюк Британиядаги машҳур шахмат янгиликлари сайти).
Tata Steel Masters: Абдусатторов Карлсенни ҳайратда қолдириб, олдинга чиқиб олди. Нодирбек Абдусатторов Магнус Карлсенни мағлуб этди ва якка пешқадам сифатида майдонга тушди.
(Tata Steel Masters — Халқаро шахмат федерацияси веб-сайти).
World Chess: Карлсен саккиз йил ичида кетма-кет иккинчи мағлубиятга учради! 18 ёшли Нодирбек Абдусатторов уни мағлуб этди.
Абдусатторов Tata Steel Masters 2023 мусобақасининг Р5 мусобақасида Карлсенни мағлуб этди; 2015 йилдан бери кетма-кет иккинчи мағлубият. Tata Steel Masters 2023 мусобақасининг 5 тури 18 ёшли гроссмейстер Нодирбек Абдусатторов ўзининг илк классик ўйинида Магнус Карлсенни мағлуб этиши билан якунланди. Карлсен Norway Chess 2015 мусобақасидан кейин саккиз йил ичида кетма-кет иккинчи мағлубиятга учради.
(World Chess FIDE нинг узоқ муддатли тижорат ҳамкори бўлиб, расмий FIDE онлайн шахмат ўйинлари платформаси, FIDE Гран-при сериясига тижорий ҳуқуқлар ҳамда унинг мулкий маҳсулотлари, жумладан, Armageddon серияси учун эксклюзив ҳуқуқларга эга. World Chess штаб-квартираси Лондонда жойлашган, Берлин ва Тбилисида офислари бор, лекин халқаро миқёсда ишлайди).
Маълумот учун: Tata Steel Chess Tournament турнири 1937 йилдан бери ўтказиб келинади. Унда Макс Эйве, Савелий Тартаковер, Шидеон Штальберг, Бент Ларсенс, Тигран Петросян каби юлдузлар ғолиблик тожини кийишган.
Тошкент вақти билан соат 18:15 да Нодирбек Абдусатторовнинг ҳиндистонлик Прагнанандага қарши ўйини бошланди.