2020 йилда Россия Федерациясининг “ПИК Индустрия” АЖ ва “Техстрой” МЧЖ қурилиш корхоналари вакиллари мамлакатимизнинг Наманган ва Самарқанд вилоятларида бўлиб, фуқаролар ўртасида танлов ўтказди. Танловдан муваффақиятли ўтган 432 нафар фуқаролар 28-30 декабрь кунлари мазкур давлатга вақтинча меҳнат фаолиятини амалга ошириш учун жўнатилди.
Ташқи меҳнат миграцияси агентлиги ахборот хизмати хабарига кўра, жорий йилнинг 12 январь куни “ПИК Индустрия” ва “Техстрой” қурилиш корхоналари вакиллари мамлакатимизга келиб, Россия Федерациясида ишлаш истагида бўлган фуқароларни танлов асосида суҳбатдан ўтказиши режалаштирилган.
Суҳбатда биринчи навбатда 2020 йил 10-27 ноябрь кунлари дастлабки саралашдан ўтган фуқароларнинг иштирок этиши сўралади.
Россияда ишлаш истагида бўлган фуқаролардан мазкур танловларда хорижга чиқиш биометрик паспорти (қизил паспорт) билан иштирок этишларини сўраймиз.