Қашқадарё вилояти Қарши шаҳрида яшовчи П.Л., ариза билан мурожаат қилиб, телеграм мессенжерида онлайн кредит олиб беришни тарғиб этувчи каналлардан бирига уланиб қолиб, канал бошқарувчисига банк карта маълумотларини тақдим этганлиги ва шундан сўнг банк картасидаги 1 миллион сўмдан ортиқ пуллари номаълум равишда ўзлаштирилганлигини билдириб, фирибгарга нисбатан қонуний чора кўришликни сўраган.
Олиб борилган тезкор-қидирув тадбирлари натижасида, ушбу жиноятни амалга оширган шахс Фарғона вилояти Риштон туманида яшовчи 1999 й.т., М.С. эканлиги аниқланган.
М.С. телеграм мессенжерида турли йўллар билан ўзига қурбонлар излаб топган ва уларнинг банк картаси маълумотларини қўлга киритиб мавжуд маблағларини ўз эхтиёжлари йўлида сарфлаб келган.
М.С.га нисбатан ЎзР. ЖКнинг 168-моддаси билан жиноят иши қўзғатилиб, тергов ҳаракатлари олиб борилмоқда.
Сохта онлайн кредит қурбони бўлманг!
