Биринчи, қонунчиликни ихчамлаштириш ва ортиқча юкни камайтириш, айниқса бизнесга нисбатан бюрократияни ва коррупцияга етакловчи нормаларни камайтириш.
“Қонунчиликни рақамлаштириш, мана шу жараён энг муҳим ва мураккабдир, чунки ривожланаётган технологиялардан қандай фойдаланиш керак, бор тартиб ва қоидаларга путур етказиб, тескари натижалар олиб келмайдими деган саволлар устида ўйлашимиз керак.
Биз бир йил олдин қонунчилик ҳужжатлари лойиҳаларини электрон ишлаб чиқиш ва келишиш тизимини киритдик ва бу жуда қўл келди, ҳозиргача 1000 та ҳужжат бу тизим орқали ўтди, биринчи марта эса идоравий ҳужжатни тўлиқ электрон шаклда қабул қилдик”.
Иккинчи, қонун ижодкорлигида манфаатдор томонларнинг кенг иштирок этиши.
“Айрим вазирлик ва идоралар тор доирадаги манфаатларни илгари суриш учун ҳам жамоатчилик муҳокамасидан фойдаланмасликка ҳаракат қилади, чунки билади катта салбий танқид остида қолишини, мана шунинг учун ҳам бу механизм жуда катта аҳамиятлидир.
Ёки бўлмаса, бир гуруҳ шахслар томонидан алоҳида саволларни кичкина муаммони маълум бир йўл билан ҳал қилишда кўпчилик қизиқиш билдираётгандек кўрсатиш орқали ёлғон таассурот уйғотиши, яъни жамоатчилик фикрини манипуляция қилиши мумкин. Бу ҳам мавжуд хавф-ҳатардир, Биз барча суистеъмолчиликларга тайёр туришимиз керак ва юридик ҳамжамият қонун ижодкорлиги соҳасида жамоатчилик билан ўзаро алоқада мақбул ечимни топиши лозим”.
Учинчи, давлат органлари фаолиятини такомиллаштириш ва очиқлигини таъминлаш.
“Амалиёт шуни кўрсатмоқдаки, мамлакатимизда давлат ва халқ ўртасидаги мулоқотнинг энг қулай шакли мобил иловалардир. Мазкур соҳада кўринмас давлат концепциясининг улкан салоҳияти мавжуд, бунда давлат билан боғлиқ ҳар қандай масалани on-line режимда ҳал қилиш мумкин.
Бу борадаги кенг кўламли чора-тадбирларни амалга ошириш мақсадида давлат органлари фаолиятининг очиқлиги ва шаффофлиги даражасини ошириш ҳамда фуқароларнинг давлат бошқаруви сифати билан қониқишини таъминлайдиган замонавий рақамли технологияларни жорий этиш зарур. Ҳозирда Адлия вазирлиги томонидан “Очиқ ва Ҳисобдор Ҳукумат” лойиҳаси ишлаб чиқилиб, Ҳукуматга киритилди”.
Тўртинчи, қонунчилик ижроси.
“Бугунги кунга келиб, Ўзбекистон Республикаси Адлия вазирлигининг масъулият доираси сезиларли даражада кенгайди. Яқинда бизга ҳуқуқни қўллаш амалиётини ўрганиш билан бир қаторда, Президент ҳужжатлари ва топшириқлари ижросини назорат қилиш бўйича қўшимча вазифа юкланди. Бундай яхлит ёндашув қонун ижодкорлиги сифатини яхшилашга хизмат қилади. Ҳуқуқий экспертиза жараёнида биз келажакда қонунчилик ҳужжатларини амалга оширишга салбий таъсир кўрсатиши мумкин бўлган хавфларни амалиётдан келиб чиқиб таҳлил қиламиз. Бу борада давлат секторининг кўникмаларини яхшилашга инвестиция киритиш ҳамда манфаатдор тарафлар билан ўзаро алоқа ўрнатиш зарур”.
Бешинчи, ҳуқуқий хизмат кўрсатиш.
“Бу йўналиш электрон суд жараёнлари, ишларни виртуал кўриб чиқиш, жиноят процессида адвокатларни тайинлашнинг автоматлаштирилган тизими, адвокатларнинг масофадан малакасини ошириш, электрон нотариат ва электрон рақамли имзолардан фойдаланиш одатий ҳолга айланиб бормоқда. Бизнинг фикримизча, яқин келажакда юрист касби ўзгариб боради. Трансформация кўпгина жараёнларни автоматлаштириш билан чамбарчас боғлиқ бўлади, шунинг учун кадрларни оммавий қайта тайёрлашга тайёргарлик кўриш керак”.