Тошкентдаги 96 фоиз биноларда иссиқлик таъминоти ишга туширилди, дея хабар берди Veolia Energy Tashkent.
Қайд этилишича, 11 ноябрь соат 16:00 ҳолатига кўра, 1 852 та ижтимоий объектдан 1 778 тасида иссиқлик таъминоти ишга туширилди. Бу умумий биноларнинг 96 фоизини ташкил этади.
Шунингдек, 8 900 та бинодан 8 615 та турар-жой биноларида иссиқлик таъминоти йўлга қўйилди, бу умумий биноларнинг 97 фоизини ташкил этади.
“Қолган бинолар иситиш тизимига уланиш босқичида”, — дейилади хабарда.
Хабарда уйда иссиқ сув таъминоти ёки иссиқлик таъминоти бўлмаса, дастлаб уй ичидаги иситиш тизимларига масъул бўлган уй бошқарувчи компанияларга мурожаат қилиш сўралган.