АҚШнинг собиқ президенти Дональд Трамп Украинадаги можарони бир кун ичида тинч йўл билан ҳал қилиши мумкинлигини айтмоқда. Бу ҳақда у ўзининг Truth Social ижтимоий тармоғида ёзди.
“Агар ҳозир АҚШ президенти бўлганимда, 24 соат ичида бу даҳшатли урушни тугатиш ҳақида келишувга эришган бўлардим”, — Трампнинг сўзларини келтирмоқда ТАСС нашри. Бир кун аввал Трамп Ғарбнинг Украинага танкларни жўнатиш қарорини танқид қилган ва шундан кейин Украина можароси ядровий можарога айланиши мумкинлигидан огоҳлантирган эди. Республикачи тарафларни Украина конфликтини тўхтатишга чақириб, буни “жуда осон” эканини таъкидламоқда.
Аввалроқ британиялик тарихчи Орландо Фигес Welt нашрига берган интервьюсида агарда Дональд Трамп 2024 йилда АҚШда ҳокимият тепасига келса, Ғарб Украинага ёрдам беришни тўхтатиши мумкинлиги ҳақида фикр билдирган эди. “Трамп сайловларда ғалаба қозонса, бу Киев учун яхшиликка бўлмайди”, деган эксперт.