— Турмуш ўртоғим яқинда вафот этди, мен иккинчи оиласиман, қонуний никоҳдан ўтганмиз. Биринчи турмушидан қонуний ажрашган, 3 нафар фарзанди бор. Турмуш ўртоғимнинг номида 2-хонали квартира ва автотранспорт бор. 2-хонали квартирани сотиб олишганида биринчи аёли билан қонуний никоҳда бўлган. Автомашинани сотиб олганида никоҳда бўлмаган. Уй ва автомашинада менинг ҳам улушим борми?
— Марҳумнинг биринчи навбатдаги меросхўрлари таркибига унинг ота-онаси, турмуш ўртоғи ва барча фарзандлари киради, демак , меросхўрлар таркибига Сиз ҳам кирасиз. Агар турмуш ўртоғингиз биринчи аёллари билан ажрашган бўлса, биринчи аёли меросхўрлар таркибига кирмайди, фақат у аёлнинг турмуш ўртоғингиздан бўлган фарзандлари меросхўрлар таркибига киради. Яна бир нарсага эътибор беринг, мол-мулклар биринчи аёли билан никоҳи давомида сотиб олинган бўлса, биринчи аёлининг мол-мулкларнинг 1/2 қисмига нисбатан эгалик ҳуқуқи бор. Биринчи турмушидан бўлган фарзандлари 2-хонали квартиранинг онасининг улуши бўлган 1/2 қисмига ҳамда отасининг улушининг 1/2-қисмига даъво қилиши мумкин. Қолган қисми барча меросхўрлар ўртасида тенг бўлинади. Сизнинг марҳумга тегишли автотранспортда ½ -қисмида улушингиз бор.
Саволга Чилонзор туманида хусусий амалиёт билан шуғулланувчи нотариус Хосиятхон Исаева жавоб берди.