— Отам 10 йил олдин вафот этган. Бир йил ўтгач, бувим вафот этди. Мен уларнинг ягона ворисиман. Айни пайтда улар яшаган квартира ҳокимият балансида. 10 йил вақт ўтган, шунча вақтдан кейин квартирага бўлган ҳуқуқларимни талаб қила оламанми?
Н.А. Бухоро вилояти
— Аввало, квартира хусусийлаштирилганми ёки йўқлигини аниқлаш керак. Агар шундай бўлса, ота-онангизга тегишли бўлган мулкни фақат суд орқали қайтаришингиз мумкин. Агар квартира хусусийлаштирилмаган бўлса ва ҳокимият балансида бўлса, бу сизнинг бувингиз ҳам, отангиз ҳам квартиранинг эгаси эмаслигини англатади, шунинг учун сиз бу квартирани мерос қилиб ололмайсиз.
Саволга Бухоро шаҳрида хусусий амалиёт билан шуғулланувчи нотариус Марьям Аслонова жавоб берди.