Коррупциянинг олдини олишга ўз ҳиссангизни қўшинг!
Адлия вазирлиги томонидан 2022 йил давомида коррупцияга қарши экспертизадан ўтказиладиган амалдаги қонунчилик ҳужжатлари режаси ишлаб чиқилмоқда.
2022 йилда қуйидаги соҳаларни тартибга солувчи қонунчилик ҳужжатлари коррупцияга қарши экспертизадан ўтказилади:
ижтимоий таъминот ва ижтимоий суғурта ҳамда ижтимоий ҳимоя;
молия ва кредит, банк фаолияти;
тадбиркорлик ва хўжалик фаолияти;
ташқи иқтисодий фаолият ва божхона иши.
Бунда, жамоатчилик ўртасида кенг муҳокамага сабаб бўлган ушбу соҳаларга оид қонунчилик ҳужжатлари биринчи навбатда коррупцияга қарши экспертизадан ўтказиш режасига киритилади.
Шу муносабат билан, коррупцияга қарши экспертизадан ўтказилиши зарур бўлган юқоридаги соҳаларга оид қонунчилик ҳужжатлари бўйича таклифларингизни
2021 йил 20 декабрь кунига қадар m.najmiddinov@adliya.uz электрон почтаси ёки
@adliya_korrupsiyasizqonun_bot телеграм боти орқали юборишингиз мумкин.
Сизнинг таклифингиз коррупциянинг олдини олишда хизмат қилишини унутманг!