Агентлик томонидан ишлаб чиқилган www.xotira.archive.uz сайти ишга туширилди. Бу ҳақда бугун, 1 май куни АОКАда ўтказилган брифингда “Ўзархив” ахборот хизмати раҳбари Анваржон Алиев маълумот берди.
Мазкур сайтда Иккинчи жаҳон урушида қозонилган ғалабада Ўзбекистоннинг хиссасига доир, уруш қаҳрамонлари, жангчилар тўғрисида жуда кўплаб архив материаллари жой олган.
2021 йил бошидан 50 дан ортиқ уруш қатнашчилари тўғрисидаги янги маълумотлар сайтга киритилди. Материалларни яқин жойлашган давлат архиви ёки «Ўзархив» агентлиги электрон почтаси ёки ижтимоий тармоқдаги сахифаларига юборишингиз мумкин.