Январь ойида сотилган енгил автомобилларнинг умумий сони 118 мингтани ташкил этиб, ўтган йилнинг декабрига нисбатан 18 %га ўсди.
Иқтисодий тадқиқотлар ва ислоҳотлар маркази 2021-2022 йиллар учун автомобил бозори тўғрисидаги маълумотларни йиғиш методологиясини қайта кўриб чиқди. Хусусан, енгил автомобиллар ва электромобиллар бозори автотранспорт воситаларининг умумий сонидан ажратилган.
Бирламчи бозорда рўйхатдан олинган автомобиллар сони бир ой ичида 71 %га ошди.
Шу билан бирга, йил бошидан буён маҳаллий ишлаб чиқарилган янги автомобиллар савдоси 23,4 мингтани ташкил этиб, 71 %га ошди
Жорий йилнинг январь ойида иккиламчи бозорда 92 мингта автомобил сотилди, бу ўтган йилнинг декабрь ойига нисбатан 8,9 %га кўпдир.
Январь ойида енгил электромобиллар сотуви 431 донани ташкил этди, бу 2022 йил декабрга нисбатан 3 %га кўпроқ.
2022 йил январь ойига нисбатан электромобиллар сотуви 85 %га ошди.
Ҳисоб-китобларга кўра, ҳукумат томонидан қабул қилинган чора-тадбирлар туфайли электромобиллар бозорининг янада ўсиши прогноз қилинмоқда.