Санитария-эпидемиологик осойишталик ва жамоат саломатлиги хизмати ходими Насиба Тоирова:
— Коронавирусга қарши эмлаш ишларида бош-қош бўлган шифокор, вакцина олишга келган катта ёшдаги фуқарони кўрикдан ўтказиши талаб этилади. Фуқародан қандай шикоятлари борлигини суриштириши ҳамда қон босими ва тана ҳароратини текшириши лозим. Қолаверса, кўзга кўринган шиллиқ қаватларда шамоллаш аломатлари бўлмаслиги даркор. Барча текширувлар ижобий натижаларни кўрсатсагина эмлашга рухсат этилади.
Бироқ фуқаро қабул қилаётган дори-дармони, бирорта озиқ-овқат ёки дориларга нисбатан аллергияси борлигини шифокорга маълум қилиши зарур. Шу маълумотлар асосида шифокор томонидан фуқарони эмлаш кераклиги ёки йўқлиги тўғрисида қарор қабул қилинади.