Ахборот маҳсулотининг ёшга оид таснифини белгилаш ахборот маҳсулотини ишлаб чиқарувчилар ва (ёки) тарқатувчилар томонидан, шу жумладан, экспертларни жалб этган ҳолда, Ўзбекистон Республикаси ҳудудида тарқатиш бошлангунига қадар амалга оширилади.

Ахборот маҳсулотининг ёшга оид таснифи уни болаларнинг қуйидаги ёш тоифаларидан бирига киритиш йўли билан амалга оширилади:

- 7 ёшга тўлмаган болалар учун ахборот маҳсулотининг ёшга оид тоифаси белгисида “0+” ёзувини акс эттирилган бўлиши лозим;

- 7 ёшга тўлган болалар учун эса “7+” ёзувини акс эттириши керак;

- 12 ёшга тўлган болалар учун мўлжалланган ахборот маҳсулотида “12+” ёзувини акс эттирилиши лозим;

- шунингдек, 16 ёшга тўлган болалар учун ахборот маҳсулоти “16+” белгиси ёзувини акс эттириши мақсадга мувофиқ бўлади.

Болалар учун тақиқланган ахборот маҳсулотининг ёшга оид тоифаси белгисида “18+” ёзуви акс эттириши керак.

Шу билан бирга ахборот маҳсулотининг ёшга оид таснифини амалга оширишда:

- унинг мавзуси, жанри, мазмуни ва бадиий безаги;

- муайян ёш тоифасидаги болалар томонидан ундаги ахборотнинг идрок этилиш хусусиятлари;

- ундаги ахборотнинг болалар соғлиғига зарар етказиш эҳтимоли билан баҳоланади.