Болалар озиқ-овқат маҳсулотларини ташишда транспорт воситаси қуйидаги талабларга риоя қилиши лозим:

- Болалар озиқ-овқат маҳсулотлари уларни ташиш учун ажратилган транспорт воситалари билан амалга оширилиши;

- ифлослантирувчи моддалардан, шу жумладан, чанг ва буғлардан самарали ҳимоя қилишни таъминланиши;

- озиқ-овқат маҳсулотларини хавфли ёки истеъмол қилишга яроқсиз ҳолга келтириши мумкин бўлган бузилишлардан;

- зарур бўлган ҳарорат, намлик, ҳаво муҳити ва бошқа шароитларни самарали сақлаши;

- болалар озиқ-овқат маҳсулотларини ташиш пайтида ҳарорат, намлик ва бошқа атроф-муҳит шароитларини мониторинг қилиш имконини бериши лозим.

- Транспорт воситаларидаги идишлар ва таралар (махсус идиш) фақат болалар озиқ-овқат маҳсулотларини ташиш учун ишлатилиши керак;

- Тара (махсус идиш) “Фақат озиқ-овқат маҳсулотлари учун” деб ёзилган тамғага эга бўлиши;

- Транспорт воситаларидаги ёки контейнерлардаги хом ашё ва тайёр маҳсулот ифлосланиш хавфи энг кам даражада бўладиган тартибда жойлаштирилиши;

- хом ашё ва тайёр сут маҳсулотларини ташиш махсус жиҳозланган совутгичли транспорт воситаларида амалга оширилиши;

- хом ашё ва болалар озиқ-овқат маҳсулотларини ташиш учун ишлатиладиган транспорт воситаси тоза бўлиши;

- автомобилнинг кузови тозалаш осон бўлган гигиеник қопламага эга бўлиши;

- ўзга ёки ноодатий ҳидлар бўлмаслиги;

- тайёр маҳсулот билан хом ашё ва болалар озиқ-овқат маҳсулотларини бирга ташилишига йўл қўйилмаслиги;

- хом ашё ва озиқ-овқат маҳсулотларини ташишда тегишли ҳарорат тартибига риоя қилиниши керак.

 

Мадина ҲАМДАМОВА,
“Адолат” МҲАМ етакчи маслаҳатчиси