“Bukhara Night Race” халқаро марафони учун рўйхатдан ўтиш бошланди
Содда талқин
07.07.2024
1 354
Жорий йил 24 август куни Бухорода “Samarkand Marathon” хайрия югуриш мусобақалари туркуми доирасида учинчи бор “Bukhara Night Race” пойгаси ўтказилади.
Ўзбекистонда айнан шу шаклда ўтказилаётган бу илк ноодатий тунги пойгани қўллаб-қувватлаш учун республиканинг барча ҳудудлари ва хориждан атлетлар, ҳаваскор югурувчилар етиб келади.
Спортчилар белгиланган масофани шаҳарнинг тарихий қисми бўйлаб, тилларда достон бўлган диққатга сазовор масканлар, масжид ва мадрасалар, карвонсарой, бетакрор кўҳна иншоотлар узра босиб ўтишади.
Айни пайт 5 ва 10 километр масофага югуриш, шимолий, яъни скандинавча юриш ҳамда 4 ёшдан ошган болажонлар пойгаси учун рўйхатдан ўтиш бошланди. Шунингдек, дастурни плоггинг – югуриш асносида майдонни чиқиндидан тозалаш тадбири ҳам мазмунан бойитади.
Эко-плоггингда 16 ёшдан катталар, ота-оналар эса фарзандлари билан ёнма-ён қатнашиши мумкин. Пойга якунида плоггинг иштирокчилари орасидан ҳамкорлар ҳомийлиги совринлари эгалари аниқланади.
Эслатиб ўтамиз, ўтган йил “Bukhara Night Race” тадбирида дунёнинг 20 мамлакатидан 1600 нафардан зиёд спортчи қатнашган. Бу гал иштирокчилар сони 3000 кишини ташкил этиши кутиляпти.
Улашиш:
Бошқалар
Ҳайдовчилик гувоҳномасини йўқотган тақдирда қандай ҳаракат қилиш керак?
Бунда почта харажатлари ариза берувчи ҳисобидан қопланади.
Ёлғон гувоҳлик бериш қандай оқибатларга олиб келади?
Суриштирув, дастлабки тергов ёки суд муҳокамаси вақтида гувоҳ ёки жабрланувчининг атайлаб ёлғон кўрсатув бериши, экспертнинг била туриб ёлғон хулоса тайёрлаши, шунингдек таржимоннинг маълумотни атайлаб нотўғри таржима қилиши ёлғон гувоҳлик бериш деб баҳоланади.
Иш ташлашни амалга ошириш тартиби белгиланди. У ҳақида нималар маълум?
Иш ташлаш — ходимлар томонидан ўз меҳнат, ижтимоий-иқтисодий ҳуқуқ ва манфаатларини ҳимоя қилиш мақсадида меҳнат вазифаларини вақтинча тўхтатиб туриш шакли ҳисобланади.
Маъмурий жазони қўллаш, энг енгил жазони қўллаш асослари: муҳим 6 саволга жавоб
Маъмурий жазони қўллашда содир этилган ҳуқуқбузарлик хусусияти, ҳуқуқбузарнинг шахси, унинг айбдорлик даражаси, мулкий аҳволи, жавобгарликни енгиллаштирувчи ва оғирлаштирувчи ҳолатлар ҳисобга олинади.
