Фуқаролар электрон виза олишда барча ҳужжатларини, жумладан, паспортининг асл нусхасини электрон шаклда тақдим этиши мумкин.

2025 йилнинг 1 январидан бошлаб, Таиланднинг хориждаги барча элчихоналари ва бош консуллик муассасаларида электрон виза (“e-Visa”) хизмати жорий этилди. Бу ҳақда “Дунё” ахборот агентлиги хабар берди.

Эндиликда Таиланд визасини олишга мурожаат қилмоқчи бўлган фуқаролар “Thai E-Visa” онлайн электрон виза платформаси орқали ариза топширишлари мумкин.

Бунда, ариза берувчидан паспорт ва тасдиқловчи ҳужжатларнинг асл нусхасини дипломатик ваколатхоналари ва консуллик муассасаларига тақдим этиш талаб этилмайди.

Электрон виза аризаси маъқуллангач, фуқароларга тасдиқловчи электрон почта хабари юборилади. Уни жўнаш портидаги авиакомпанияга ва Таиландда иммиграция хизмати ходимларига тақдим этиш учун чоп этиш керак.

2024 йилнинг 15 июлидан Ўзбекистон фуқароларига Таиландга саёҳат учун 60 кунгача визасиз режимжорий этилди. Электрон виза тизимида фуқароларга туристик, бизнес, оилавий ва бошқа виза тури 90 кун муддатга берилади.