Бугунги кунда енгил автомобиллар ва мототранспорт воситаларини истеъмол мақсадида қисқа муддатга ижарага олиш хизмати оммалашиб бормоқда. Бу фуқароларга ва сайёҳларга кўплаб қулайликлар яратаётгани ҳаммамизга маълум. Аммо кўп ҳолларда вояга етмаган ёки ҳайдовчилик гувоҳномасига эга бўлмаган фуқароларнинг ҳам ушбу хизматдан фойдаланаётгани учраб турибди.

Вазирлар Маҳкамасининг 2018 йил 14 декабрдаги 1015-сонли қарори билан шартнома тузиш учун ижарачи ижарага берувчига қуйидаги ҳужжатларни тақдим этишини назарда тутади:

- паспорт ёки идентификация ID-картаси;

- транспорт воситасидан фойдаланадиган шахснинг ҳайдовчилик гувоҳномаси (миллий ёки халқаро намунадаги);

- медик кўрикдан ўтганлиги ҳақида маълумотнома (ижарага берувчининг ихтиёрига кўра);

- гаров депозити киритилганлигини тасдиқловчи ҳужжат (ижарага берувчининг ихтиёрига кўра).

Ижарага берувчи, зарурат бўлганда, юридик шахснинг давлат рўйхатидан ўтказилганлиги тўғрисидаги маълумотларни тегишли ташкилотлардан белгиланган тартибда олади.

Шу билан бирга, ушбу шартномада қуйидаги шартлар назарда тутилади:

- томонларнинг ҳуқуқлари, мажбуриятлари ва жавобгарлиги;

- тақдим этилаётган транспорт воситасининг бозор нархи;

- транспорт востасини қисқа муддатли ижарага бериш тартиби;

- қисқа муддатли ижаранинг аниқ муддатлари;

- ижара тўловининг шартлари ва миқдори, уни тўлаш муддатлари;

- гаров депозити миқдори (ижарага берувчи ва ижарачининг келишувига кўра).

- шартнома амал қилиш муддати тугагандан сўнг транспорт воситасини ижарага берувчига қайтариш тартиби;

- енгиб бўлмайдиган куч (форс-мажор) ҳолатлари.

Аҳмад Одилов,
"Адолат" миллий ҳуқуқий маркази масъул ходими