currencies image

12 690,00 UZS

7,00

usd

currencies image

13 526,27 UZS

21,43

eur

currencies image

135,95 UZS

0,90

ru



АсосийЯнгиликларФуқароларнинг ўзини ўзи бошқариш органлари бўйича 10 саволга 10 жавоб

Фуқароларнинг ўзини ўзи бошқариш органлари бўйича 10 саволга 10 жавоб

Ҳуқуқ

calendar

28.03.2024

eye

176

Фуқароларнинг ўзини ўзи бошқариш органлари бўйича 10 саволга 10 жавоб

Юртимизда маҳаллаларни қўллаб-қувватлашни янада такомиллаштириш, маҳаллабай ишлашга масъул бўлган шахслар фаолиятини самарали ташкил этиш ва уларнинг ҳамкорлигини таъминлаш ҳамда маҳаллалар фаолиятини амалга ошириши учун зарур шарт-шароитлар яратилмоқда.

Шу аснода аҳолини фуқаролар ўзини ўзи бошқариш органлари билан боғлиқ қатор саволлар қизиқтирмоқда. Қуйида саволларнинг асосийлари ва уларга берилган жавоблар хусусида тўхталиб ўтишни жоиз деб билдик.

1. Фуқароларнинг ўзини ўзи бошқариши ўзи нимани англатади?

Фуқароларнинг ўзини ўзи бошқариши фуқароларнинг маҳаллий аҳамиятга молик масалаларни ўз манфаатларидан, ривожланишнинг тарихий хусусиятларидан, шунингдек миллий ва маънавий қадриятлардан, маҳаллий урф-одатлар ва анъаналардан келиб чиққан ҳолда ҳал қилиш борасидаги Ўзбекистон Республикасининг Конституцияси ва қонунлари билан кафолатланадиган мустақил фаолиятидир.

2. Қандай ҳудудларни биз фуқароларнинг ўзини ўзи бошқариш ҳудудлари деб тушунишимиз лозим?

Фуқароларнинг ўзини ўзи бошқариши Ўзбекистон Республикасининг бутун ҳудудида амалга оширилади. Шаҳарчалар, қишлоқлар, овуллар, шунингдек шаҳарлардаги, шаҳарчалардаги, қишлоқлардаги ҳамда овуллардаги маҳаллалар фуқаролар ўзини ўзи бошқаришининг ҳудудий бирликларидир.

3. Маҳаллаларни тузиш, бирлаштириш, бўлиш ва тугатиш, уларнинг чегараларини белгилаш ва ўзгартириш, уларга ном бериш ҳамда ўзгартириш мумкинми?

Шаҳарлардаги, шаҳарчалардаги, қишлоқлардаги ва овуллардаги маҳаллаларни тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ҳамда уларнинг номини ўзгартириш фуқаролар ўзини ўзи бошқариш органларининг илтимосномалари асосида маҳаллий давлат ҳокимияти органлари томонидан Ўзбекистон Республикаси Вазирлар Маҳкамаси белгилаган тартибда амалга оширилади.

4. Маҳаллалар қайси давлат органи тизимига киради?

Фуқароларнинг ўзини ўзи бошқариш органлари, яъни маҳаллалар давлат ҳокимияти органлари тизимига кирмайди ҳамда маҳаллий аҳамиятга молик масалаларни фуқароларнинг манфаатларидан, ривожланишнинг тарихий ўзига хос хусусиятларидан, шунингдек миллий қадриятлардан, маҳаллий урф-одатлар ва анъаналардан келиб чиққан ҳолда, қонунга мувофиқ мустақил равишда ҳал этишга ҳақли.

5. Маҳаллаларда кимлар аҳоли манфаатларини ифодалайди?

Маҳаллаларда фуқаролар йиғини аҳоли манфаатларини ифодалайди ва унинг номидан тегишли ҳудуд доирасида амал қиладиган қарорлар қабул қилади.

Фуқаролар йиғинида ўн саккиз ёшга тўлган ва тегишли ҳудудда доимий яшаётган шахслар қатнашади.

6. Фуқаролар йиғини қандай тузилмалардан иборат?

Фуқаролар йиғини органлари қуйидагилардир:

фуқаролар йиғини кенгаши;

фуқаролар йиғини фаолиятининг асосий йўналишлари бўйича комиссиялар;

тафтиш комиссияси.

7. Маҳаллаларда фуқаролар йиғини қайси соҳаларда жамоатчилик назоратини амалга оширади?

Маҳаллаларда фуқаролар йиғини тегишли ҳудудда қонунлар ва бошқа қонунчилик ҳужжатларининг ижро этилиши, шу жумладан, тадбиркорлик фаолияти субъектларининг ҳуқуқлари ва қонуний манфаатларига риоя этилиши, коммунал хизмат кўрсатиш ташкилотлари томонидан коммунал хизматлар кўрсатиш сифати, иморатлар қуриш ҳамда ҳовлилар ва уйлар атрофидаги ҳудудларни сақлаш қоидаларига риоя этилиши, шунингдек экин майдонларидан самарали фойдаланилиши ва ерларни муҳофаза қилиш устидан жамоатчилик назоратини амалга оширади.

8. Кўпинча маҳаллада фуқаролар йиғини аъзолари томонидан бирон-бир тадбирни ўтказиш бўйича йўл-йўриқ бериб турилади. Шу қонунийми?

Албатта қонуний. Фуқаролар йиғини тўйлар ва бошқа маросимларни ўтказиш юзасидан тавсиялар беришга ҳақлидир.

9. Эшитишимизча фуқаролар йиғинида кенгаш тузиларкан. Бу нимага керак?

Фуқаролар йиғинининг кенгаши фуқаролар йиғинининг қарорларини бажариш ва фуқаролар йиғинлари оралиғидаги даврда фуқаролар ўзини ўзи бошқариш органларининг жорий фаолиятини амалга ошириш учун шакллантирилади.

10. Кимлар фуқаролар йиғини кенгаши таркибига киради?

Фуқаролар йиғини кенгаши таркибига фуқаролар йиғинининг раиси, унинг ўринбосарлари ва маслаҳатчилари, масъул котиб, маҳалла хотин-қизлар фаоли, шунингдек ҳудуддаги профилактика инспекторлари ва уларнинг жамоат тартибини сақлаш бўйича ёрдамчилари, таълим муассасаларининг, оилавий врачлик пунктларининг ва оилавий поликлиникаларнинг раҳбарлари киради.

Адлия вазирлиги масъул ходими Т.Азимов

Улашиш:

Бошқалар

27-март 2024, 13:07
4 900

Радарлар ҳақида ҳаммаси: муҳим 10 саволга жавоб

Hudud24.uz ушбу мақолада радарлар орқали қайси ҳолатларда жарима чиқарилиши мумкинлиги, радарларга қўйилган техник талаблар, ноқонуний жарималарни бекор қилиш йўллари ва бошқа шунга ўхшаш долзарб саволларга содда талқинда жавоб берилади.


3-апрел 2024, 12:01
1 453

Алимент учун чет элга чиқишга қўйилган тақиқни олиб ташлаш тартиби: муҳим 6 та қоида

Алимент тўловчи айрим шахсларнинг бевосита даромад манбаи чет элга чиқиш, миграция билан боғлиқ. Бундай ҳолларда чет элга чиқишга қўйилган тақиқни алиментни олдиндан тўлаш ёки алимент бўйича гаров шартномасини тузиш орқали олиб ташлаш мумкин.


27-март 2024, 04:00
754

«Нотариуслардан бепул ҳуқуқий билимлар» акциясига старт берилди

Бу Ўзбекистон Нотариал палатаси томонидан «Юксалиш» умуммиллий ҳаракати ҳамда «Мадад» нодавлат нотижорат ташкилоти ҳамкорлигида амалга оширилди.


1-апрел 2024, 12:51
741

Мактаб битирувчилари учун якуний имтиҳон – муҳим 13 қоида

Жорий йилда мактаб битирувчилари учун якуний аттестациялар 2024 йил 26 майдан 15 июнгача ўтказилади. Аттестациядан кимлар озод қилиниши мумкин? Аттестация жараёнида китоблардан фойдаланишга рухсат бериладими? Ота-оналар ҳам жараёнда қатнашиши мумкинми?

Мавзуга доир янгиликлар: