Ҳаво транспортида йўловчи ва багаж ташиш Қоидаларига кўра,  йўловчига самолёт салонида қўл юкидан ташқари ўзининг зарур эҳтиёжи учун керак бўладиган қуйидаги шахсий буюмларни ташишга рухсат берилади:

- портфел;
- аёллар сумкачаси;
- ҳужжатлар учун жилд;
- соябон;
- ҳасса;
- устки кийим;
- гулдаста;
- парвозда ўқиш учун босма нашрлар;
- бола учун озуқа ва болалар йўл бешиги;
- ногиронлиги бўлган шахслар учун ўриндиқли аравача;
- жисмоний имкониятлари чекланган йўловчиларнинг ҳаракатланишлари учун мослаштирилган анжомлар.

Шунингдек, ҳаво кемасининг хизмат кўрсатиш тоифасидан келиб чиқиб, ташувчи томонидан белгиланган оғирлиги, миқдори, ҳажмига қўйилган меъёр доирасида, йўловчи рўйхатдан ўтказилган багажларини бепул ташишга ҳақли.