Дўкондан ширинлик сотиб олган эдим. Уйга келиб қарасам ичидаги креми  эскириб қолган экан. Дўконга бориб пулимни қайтариб олсам бўладими?

Кулинария маҳсулоти (кўрсатилаётган хизматлар) сифатида камчиликлар, кам тортишлар ёки ҳисоб-китобдан уриб қолишлар аниқланган тақдирда умумий овқатланиш корхонаси раҳбарияти ва ходимлари истеъмолчининг танлашига кўра:

— белгиланган камчиликларни бепул бартараф этиши;

— кулинария маҳсулоти (хизматлар) учун тўлов миқдорини камайтириши;

— қўшимча ҳақ тўлатмасдан худди шундай таомни, кулинария маҳсулотини тайёрлаши (хизматни такроран бажариши);

— истеъмолчининг сифатсиз кулинария маҳсулоти сотиб олиш (хизматларни бажариш) билан боғлиқ харажатларини тўлиқ қайтариши;

—етказилган маънавий зарарни қоплаши шарт.