Ҳокимлик аҳоли норозилик билдирган қурилиш бўйича изоҳ берди
Ўзбекистон
18.05.2023
985
Кун.уз нашрининг маълум қилишича, 17 май куни Тошкент шаҳри Юнусобод туманининг 8-мавзесида маҳалла ҳудудини янги қурилишдан ҳимоя қилмоқчи бўлган аҳоли ҳамда қурилиш фирмаси ишчилари ўртасида жанжал келиб чиққани хабар қилинганди. Маҳаллий ҳокимлик жанжалли қурилиш бўйича изоҳ берди.
Ҳокимлик расмий муносабатига кўра, ҳолат туман ҳокимлиги томонидан батафсил ўрганилган.
“Мазкур манзилида жойлашган 1,23 гектардан иборат ер майдони “FRANCHISING INVEST” МЧЖга мавжуд автотураргоҳни ўз ҳисобидан бузиш ва ўрнатилган тартибда етказилган зарарларни қоплаш ҳамда аҳолининг розилигини олиш шарти билан кўп қаватли бино қуриш учун ажратиб берилган.
Юқоридаги қарорга мувофиқ, Тошкент шаҳар қурилиш бош бошқармаси томонидан 2018 йил 2 мартда 311Т-сонли архитектура режалаштириш топшириғи ишлаб чиқилган. Ушбу архитектура режалаштириш топшириғига асосан лойиҳа ҳужжатлари “MEMORIAL ARXITEKTURAL PROJECT” МЧЖ томонидан ишлаб чиқилган.
Шунингдек, Қурилиш вазирлиги “Шаҳарсозлик ҳужжатлари экспертизаси” ДУКнинг Тошкент шаҳар филиали хулосаси ҳам берилган.
Шуни маълум қиламизки, ушбу объектни барпо қилиш учун тегишли барча ташкилотлар билан келишилган”, дейилади ҳокимлик муносабатида.
2023 йилнинг 16 май куни Қурилиш ва уй-жой коммунал хўжалиги вазирлиги ҳам туманнинг Нурмакон маҳалласидаги 48-, 50-, 49-, 18- ҳамда 17-уйда яшовчи фуқароларнинг мурожаатига шу мазмунда жавоб йўллаган. Унда таъкидланишича, 17-, 19-, 20-уйлар оралиғида жойлашган 1,23 гектар ер майдони “FRANCHISING INVEST” МЧЖга мавжуд автотураргоҳни ўз ҳисобидан бузиш ва ўрнатилган тартибда етказилган зарарларни қоплаш ҳамда аҳолининг розилигини олиш шарти билан кўп қаватли бино қуриш учун ажратиб берилган.
Аммо аҳолига кўра, улар норози бўлаётган ҳудуд ҳокимлик ва вазирлик айтгани каби 17-, 19-, 20-уйлар оралиғида эмас, 18-, 48-, 50-уйлар оралиғида жойлашган. 2018-2019 йилларда 17-, 19-, 20-уйлар яқинидан ҳам янги “дом” қурилган ва ўша пайтда бу уйларда яшовчи аҳолидан розилик олинган бўлиши мумкин. Айнан 18-, 48-, 50-уйлар оралиғидаги автотураргоҳ ўрнида қурилиш қилишга эса бу уйларда яшовчилардан розилик олинмаган.
Вазирлик хати ва ҳокимлик муносабатида мазкур ер майдони кўп қаватли бино қуриш учун аҳолининг розилигини олиш шарти билан ажратиб берилгани айтилади. Бироқ тегишли ҳудудда яшовчи аҳоли бунга рози бўлмасликларини таъкидлашмоқда.
Улашиш:
Бошқалар
Мурожаатчи билиши лозим бўлган 5 та муҳим факт
Қонунчилигимизда мурожаатчининг мурожаати юзасидан хавфсизлигининг кафолатлари белгиланган бўлиб, мурожаатчини таъқиб этиш ман этилади.
Ҳомиладор ва уч ёшга тўлмаган фарзанди бор аёллар меҳнат ҳуқуқларини таъминлашинг ўзига хос жиҳатлари
БМТ маълумотларига кўра, ўртача меҳнат бозорида аёллар ҳали ҳам глобал миқёсда эркакларникига қараганда 23 фоизга кам даромад олишади. Бунда, хотин-қизларнинг таълим олишга бўлган ҳуқуқининг таъминланмаганлиги асосий сабаб сифатида кўрсатилади.
15 та туман ва шаҳарда барча давлат идоралари туманлар марказидаги битта кўп қаватли бинога кўчирилади
Янги биноларнинг 1-2-қаватлари тадбиркорларга сотилади.
Давлат хизматчилари байрамларда совға олиши мумкинми? Муҳим 5 саволга жавоб
Аксарият учун байрам ва бошқа тадбирларнинг завқли жиҳатларидан бири совға бериш ва олиш бўлса керак.
Мавзуга доир янгиликлар:
Тошкентда одамларнинг 401 млн сўм пулини талон-торож қилган мансабдорлар қамоққа олинди
Кўп квартирали уйларга хизмат кўрсатувчи бошқарув ташкилотлари раҳбарлари аҳолидан ундирилган пулларни банк ҳисобига кирим қилмай, ўз эҳтиёжлари учун ишлатиб юборган.
Ўзбекистондаги уй-жой қурилиши объектларининг 70 фоизи сейсмик барқарор эмас
Яшнободдаги “новостройка” юзасидан келиб чиққан низоли вазиятни ҳал этиш бўйича таклифлар билдирилди
Бугун, 5 август куни Тошкент шаҳрида Ўзбекистон Республикаси Президенти Шавкат Мирзиёевнинг топшириғига асосан Бош вазир Абдулла Арипов “Азия Инвест Фаворит” МЧЖ томонидан қурилаётган кўп қаватли уй-жойлардаги хонадонларни фуқароларга сотилиши юзасидан келиб чиққан низоли вазият қатнашчиларини қабул қилди.
Ўтган 6 ойда Тошкент шаҳридаги қурилишлар учун 16,3 трлн сўм сарфланган
Статистика агентлиги 2023 йилнинг январь-июнь ойларида бажарилган қурилиш ишлари бўйича айрим рақамларни маълум қилди.