Маҳалла бу – катта-кичик оилалар, ёшлару қариялар жам бўлган макон. Ҳеч эътибор берганмисиз, ҳар бир маҳалланинг ўз чевари, нонвойи, сартарошию этикдўзи бўлади. Буни қарангки, уларнинг орасига яна бир масъулиятли касб эгаси, ҳамма учун фойдали ва керакли шахс – ҳуқуқшунос ҳам қўшилди.

Энди ҳар бир маҳалланинг ўз ҳуқуқшуноси бўлади. У кундалик ҳуқуқий муаммоларни ечишда одамларга кўмаклашади, ҳуқуқий маслаҳатлар, тавсиялар беради. Мана, унинг кўмаги билан маҳалладаги ёш тадбиркор Нодирбек ортиқча югур-югур ва ҳужжатбозликларсиз қисқа фурсат ичида ўз новвойхонасини очди.