Ҳар куни биз озиқ-овқат дўконига кириб кундалик маҳсулотлар харид қиламиз. Албатта биринчи навбатда сифатига ва кейин эса яроқлилик муддатига эътиборимизни қаратамиз. Аксарият ҳолларда йирик савдо дўконларида ҳам ишлаб чиқариш санаси ва сақлаш муддатлари кўрсатилмаган озиқ-овқат маҳсулотларини тез-тез учратамиз. Биз қуйидаги жадвалда истеъмол қиладиган маҳсулотлар қанча муддатда ва ҳароратда сақланиши ҳақида маълумот тайёрладик.

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг "Озиқ-овқат маҳсулотларининг яроқлилик муддати, уларни сақлаш ва ташишга қўйиладиган гигиеник талаблар"ига мувофиқ (0054-23-сон SanQvaN), озиқ-овқат маҳсулотларини сақлашга қўйиладиган гигиеник талаблар кўрсатиб ўтилган. Улар қуйидагилар:

Гўштдан тайёрланган колбаса маҳсулотлари

Колбаса  — 72 соат, +2 дан +4 ҳаротгача;

Буғ-газ ўтказмайдиган қобиқли колбаса — 10 кун, +2 дан +4 гача;

Сосиска, сарделка — 72 соат, +2 дан +4 гача;

Ливер колбаса, қонли колбаса (ҳасип) — 48 соат, +2 дан +4 гача;

Қайнатилган парранда гўштидан тайёрланган колбаса маҳсулотлари (колбаса, рулет, сосиска, сарделка ва бошқалар — 72 соат, +2 дан +4 гача;

Барча турдаги балиқ маҳсулотлари (музлатилган) — 48 соат, 0 — (-2)°С;

Балиқ филеси — 24 соат, 0 — (-2)°С;

Музлатилган тирик қисқичбақасимонлар, икки паллали моллюскалар — 12 соат, +2 дан +4 гача

Тузланган балиқдан тайёрланган маҳсулотлар (паштет, паста) — 24 соат, +2 дан +4 гача сақланади.

Сут ва сут маҳсулотлари, пишлоқлар

Истеъмол идишларидаги сут, қаймоқ, сут зардоблари, пастеризацияланган сут — 36 соат, +2 дан +4 гача;

Сметана ва таркибида сметана мавжуд бўлган маҳсулотлар — 72 соат, +2 дан +4 гача;

Пиширилмаган юмшоқ ва тузланган пишлоқлар — 5 кун, +2 дан +4 гача;

Истеъмол идишлардаги кефир ва бошқа сут маҳсулотлари — 36 соат, +2 дан +4 гача;

Творогдан тайёрланган пишлоқли-творогли пишириқлар — пироглар, 24 соат +2 дан +4 гача ҳароратда сақланади.

Озиқ-овқат маҳсулотлари

Хом сабзавот ва мевалардан тайёрланган салатлар (қўшимчаларсиз) — 18 соат, +2 дан +4 гача;

Консерваланган сабзавотлар, тухум ва бошқа хом сабзавотлар қўшилган салатлар (қўшимчаларсиз) — 18 соат, +2 дан +4 гача;

Гўшт, парранда гўшти, балиқ, дудланган гўшт қўшилган салатлар (қўшимчаларсиз) — 18 соат, +2 дан +4 гача;

Тузланган, маринадланган сабзавотли салатлар — 36 соат, +2 дан +4 гача сақланади.

Ун, қандолат маҳсулотлари

Пиширилган ва қовурилган пирожка, парамаш, пирог ва бошқа ун маҳсулоти учун хамирлар — 9 соат, +2 дан +4 гача;

Қаймоқ, творог-қаймоқли кремли торт ва пирожнийлар — 18 соат, +2 дан +4 гача;

Творогли бисквит-рулетлар — 18 соат, +2 дан +4 гача ҳароратда сақланади.

 

Мадина ҲАМДАМОВА,

“Адолат” МҲАМ етакчи маслаҳатчиси