26 июль куни старт олган 2024 йилги Олимпия ўйинларида 206 та мамлакат иштирок этмоқда, уларнинг ҳар биридан Парижда камида битта спортчи иштирок этади. Жами 32 та турли спорт тури ва 339 та йўналиш бўйича 10,5 минг нафар спортчи бу шаҳарга жамланган. “Hudud24.uz” Олимпия турнирида иштирок этаётган ажойиб спортчилар рўйхатини тузди.

Ҳомиладор иштирокчилар

 

Мисрлик қиличбоз Нада Ҳофиз Париж–2024 Олимпиадасида аёллар ўртасида қиличбозлик бўйича яккалик баҳсларида иштирок этди. 26 ёшли спортчи ўзининг биринчи жангида ғалаба қозонди, аммо кейин 1/8 финалда жанубий кореялик рақиби Чон Хаюнгга 7:15 ҳисобида имкониятни бой бериб, курашдан чиқиб кетди.

Олимпиададаги мағлубиятдан сўнг Нада ўз саҳифасида ҳомиладорлигининг еттинчи ойида чиқиш қилганини айтди.

"Аслида супада уч киши эдик! Бу мен, менинг рақибам ва ҳали туғилмаган кичкинтойим! Тўғри, бироз жисмоний фийинчиликлар бўлди, бироқ турмуш ўртоғим ва оиламнинг ишончи далда берди," – деб ёзади Нада Ҳофиз.

 

Шунингдек, озарбайжонлик Яйлагул Рамазонова ҳам 7 ойлик ҳомиладор бўлса-да олимпиадада жуда яхши иштирок этди: квалификация баҳсларида 39-ўринни эгаллади. Кеча 1/16 финалда германиялик рақибига ютқизиб қўйган бўлса ҳам, у тарихда қолди.

Энг кекса ғолиб

Люксембурглик Ни Сялян ёзги ўйинларда стол тенниси бўйича ғалаба қозониб, Олимпиадада ёш рекордини ўрнатди.

Июнь ойида 61 ёшга тўлган теннисчи стол тенниси бўйича Олимпиада турнирининг иккинчи босқичида 31 ёшли туркиялик спортчи Сибел Алтинкаяни 4:2 ҳисобида мағлуб этди. Кейинги даврада Люксембург вакили жаҳон рейтингида етакчи бўлган хитойлик Сун Инша билан учрашади.

Ни Сялян Олимпия турнири тарихида энг кекса ғолиб бўлди. Ҳеч бир стол теннисчиси бунақа катта ёшда Олимпия ўйинларида ғолиб бўлмаган.

Хитойда туғилган Ни Слаян 1991 йилдан бери Люксембург жамоасида ўйнайди. У жами олтита Олимпиадада (2000, 2008, 2012, 2016, 2020 ва 2024) иштирок этган. 1983 йилги Жаҳон чемпионатининг иккита олтин медали ва учта Европа чемпионлиги (1998, 2002) унвонини қўлга киритган.

Энг йирик дарвозабон

 

Мисрлик гандболчи Муҳаммад Али ўз жамоасининг энг кўзга кўринган (ҳамма маънода) ўйинчиларидан бири ҳисобланади. У ўзининг ўлчамлари билан ажралиб туради: бўйи 190 см бўлган "Бенфика" дарвозабони 100 кг дан ортиқ вазнга эга.

Миср гандбол терма жамоаси Олимпия ўйинларида иккита ўйин ўтказди: биринчи турда мисрликлар Венгрияни мағлуб этишди (35:32), иккинчисида эса Даниянинг Токио-2020 ўйинлари вице-чемпионига ютқазишди (27:30).

Бирданига икки спорт турида ўйнайдиган иштирокчи

 

Собиқ NBA ўйинчиси Чейз Бадингер Олимпия ўйинларида пляж волейболи бўйича иштирок этди. 36 ёшли спортчи АҚШ терма жамоасида ўйнайди.

2012 йилда Бадингер НБА юлдузлар ўйинида иштирок этди - тепадан улоқтириш мусобақасида у ҳатто реппер Пи Диддига ёрдам берди, аммо охир-оқибат Жереми Эванс ғалаба қозонди.

Испаниянинг "Басконя" клубидаги бир мавсумдан сўнг (2016-2017) Бадингер баскетбол билан шуғулланишга қарор қилди ва пляж волейболига ўтди. Шу билан бирга, Бадингер талабалик йилларида икки спорт тури - баскетбол ва волейбол билан шуғулланган. 2006 йилда у Мидзуно волейбол лигасида йилнинг энг яхши футболчиси деб топилди ва 2011 йилда Калифорниядаги пляж волейбол турнирида иштирок этди.

Бадингер биринчи марта Олимпия ўйинларида иштирок этмоқда. У NBAда ўйнаган ва пляж волейбол бўйича Олимпия ўйинларида қатнашган биринчи спортчи бўлди. Бадингер, шунингдек, иккала спорт турида ҳам фаолият юритган ягона спортчи ҳисобланади.

Энг ўзига ишонган спортчи

Туркиялик полициячи – жандармерия старшинаси 51 ёшли Юсуф Дикеч олимпиаданинг энг ўзига ишонган спортчиси номинациясига сазовор бўлди. Дикечнинг махсус жиҳозлардан фойдаланмагани спорт мухлисларини ҳайратда қолдирди.

 

У тўппончадан отиш баҳсларига ҳеч қандай махсус кўзойнак ва кийимларсиз, қулоқни шовқиндан ҳимоялайдиган воситаларни ишлатмай, оддий футболка ва шимда чиқиб келиб, бир қўлини чўнтагига тиққанча иккала кўзини очиб туган ҳолда тўппончадан отди ва 10 метрга пневматик тўппончадан ўқ узишда кумуш медални осонгина олиб кетди.

Дикеч Олимпия ўйинларида беш марта қатнашган, аммо биринчи медални айнан Парижда қўлга киритди.